Representantes institucionais mantiveron un encontro no que abordaron as necesidades de contratación da localidade e cales son os perfiles profesionais máis demandados
Burela, 22 de marzo de 2025. O Concello de Burela mantivo unha reunión de traballo co tecido empresarial e asociativo doo municipio para impulsar a creación do emprego. No encontro, que tivo lugar no Salón de Plenos do Concello de Burela, participaron a orientadora laboral e o Director do Centro de Formación Ocupacional do Concello de Burela, así como representantes da Cofradía de Pescadores, Cruz Vermella, a ONG Rescate Internacional, responsable do centro de refuxiados situado na vila e empresas de sectores como a construción, restauración, limpeza ou distribución, que se achegaron para coñecer recursos e expor as súas necesidades.
A reunión permitiu permitiu detectar necesidades reais de contratación, identificar perfiles profesionais demandados, compartir recursos e establecer sinerxías chave para avanzar na inserción laboral e na dinamización do mercado de traballo na zona.
A alcaldesa de Burela, Carmela López, agradeceu a participación das empresas e destacou que “foi unha xornada moi enriquecedora, na que se detectaron necesidades formativas fundamentais para o tecido empresarial, e na que ademais tivemos a oportunidade de trasladar información sobre os recursos dispoñibles no concello e que moitas empresas descoñecían”. “Desde o Concello reafirmamos o noso compromiso para dar continuidade a este tipo de encontros”, subliñou.
Pola súa banda a orientadora laboral do Concello de Burela, Paula Delcampo, sinalou que “foi un encontro moi produtivo no que se facilitaron impresións sobre a realidade laboral da zona. A gran participación e as conversas entre asistentes e entidades permitiron establecer sinerxías que serán decisivas para avanzar no obxectivo de contratación desexado polo Concello”.
E dende Cruz Vermella Burela, Lorena Rodríguez sinalou que “o encontro foi moi enriquecedor, xa que puidemos dar visibilidade ao funcionamento ao Plan de Emprego e aos nosos proxectos específicos. Este tipo de espazos son fundamentais para conectar recursos e necesidades reais”.
O Concello de Burela valora moi positivamente o resultado desta iniciativa e ratifica o seu compromiso de continuar organizando encontros similares que permitan tecer redes entre os diferentes axentes implicados na mellora da empregabilidade, a inserción laboral e o desenvolvemento económico local.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
