Ribadeo, 25 de marzo de 2025. Non haberá Queima do Antroido en Ribadeo. Así o decidiron esta mañá a comisión organizadora e o Concello, que explican que “tras dous aprazamentos por mor do vento e da choiva, chegamos á conclusión de que estamos moi fora de data para proceder a queimar o Antroido. Nun primeiro momento pensamos en facelo este vindeiro venres, pero o tempo do Carnaval rematou, xa estamos todos noutras cousas. Moita xente xa gardou os disfraces. Entón pensamos que é mellor deixalo para o vindeiro ano”.
E engaden: “intentar intentámolo primeiro o 8 de marzo e despois o 22, pero a meteoroloxía mandou e non puidemos culminar como se merece o Antroido de Ribadeo. Queremos agradecer a colaboración e a predisposición das charangas do noso pobo para acompañarnos nesta cita, pero desde a comisión organizadora e desde o Concello damos por rematado o Carnaval deste 2025. Grazas ás persoas que nos axudaron estas semanas para que todas as actividades se desenvolvesen con normalidade. O traballo seguirá para recadar fondos para a vindeira edición do Antroido de Ribadeo”.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
