A Mariña, 28 de marzo de 2025. A Mariña é xa un referente nacional como destino de turismo de natureza, un enclave estratéxico polas súas singularidades naturais e xeográficas. Esta nova modalidade turística -observación de aves, xeoturismo e observación da natureza- “é un dos grandes activos do territorio e permite atraer novos nichos de mercado, máis especializados e desestacionalizados, que contribúen a xerar desenvolvemento económico sostible ao redor das empresas de turismo”. Así o explicou Ana Ermida, a vicepresidenta da Mancomunidade de Concellos da Mariña Lucense no decurso da inauguración do encontro de observación da natureza natureWatch, que reuniu ata o domingo, 30 de marzo, na Mariña a un amplo grupo de expertos neste campo.
O Centro Sociocultural de Barreiros acolleu os relatorios presenciais desta XXI edición deste encontro de ecoturismo e observación da natureza, xa consolidado no panorama nacional. O programa inclúe tamén un completo programa de visitas de campo coas que coñecer de primeira man a oferta deste territorio no que, en escasos quilómetros, “podemos transitar desde a inmensidade do mar Cantábrico ata a singularidade paisaxística, botánica e xeolóxica da Serra do Xistral”, destacou Ermida.
Un total de 60 persoas, chegadas principalmente de Galicia, pero tamén doutros puntos de España (Andalucía, Aragón, Asturias, Cataluña e Castela a Mancha), tiveron estes días a oportunidade de afondar no coñecemento deste territorio como destino ornitolóxico, xeolóxico e botánico. A meirande parte dos asistentes están vinculados á xestión turística e de produtos, pero tamén hai afeccionados ao turismo de natureza, o que lles permitirá coñecer todas as potencialidades deste territorio para o desenvolvemento do turismo sostible. Asemade, tal como sinalou a vicepresidenta da Mancomunidade, “este evento contribuirá a poñer en valor os recursos naturais do territorio e o tecido empresarial asociado a esta modalidade turística, na que A Mariña Lucense ten un enorme potencial”.
Divulgación e profesionalidade
O evento natureWatch foi recoñecido pola Organización Mundial do Turismo como evento colaborador no 2017, ano no que se organizou por primeira vez, e desde entón celebrou mais de 20 edicións en diferentes provincias de España. Trátase dun referente que convoca a persoas relacionadas coa práctica e divulgación do turismo sostible de natureza.
O encontro natureWatch é un foro especializado de ecoturismo que se celebra ao longo do tempo en diferentes puntos de España, atendendo ás características singulares de cada lugar. O seu obxectivo é contribuír de forma ordenada ao impulso do turismo de observación da natureza, promovendo as bases sobre as que construír a súa regulación, o emprendemento e o desenvolvemento sostible dos espazos naturais. Neste caso, pretende posicionar A Mariña entre os profesionais do sector e o público especializado como un destino de turismo de natureza de relevancia a nivel nacional.
Con esta celebración na Mariña pon de manifesto o interese que esperta como destino referente a nivel ornitolóxico, natural e xeolóxico, co fin de xerar desenvolvemento económico e social ao redor das empresas de turismo activo e ecoturismo, guías de turismo de natureza, aloxamentos, restaurantes e produtores locais, entre outros.
Evento neutro en carbono
Trátase ademais dun evento socialmente responsable. Por unha banda é neutro en carbono, é dicir, que se toman as medidas necesarias para compensar as emisións de carbono que se produzan durante o mesmo, investindo en actividades que reducirán ou eliminarán da atmosfera unha cantidade de carbono equivalente á emitida, polo que se acada un impacto 0. Por outra banda, parte do custo de inscrición será destinado a un proxecto local de conservación do medio ambiente a cargo de REBINXE.
REBINXE (Recuperación da Biodiversidade na Xeografía Rural) é unha organización sen ánimo de lucro para a conservación do medio ambiente creada por profesorado e alumnado do IES San Rosendo de Mondoñedo.
O encontro estivo promovido pola Mancomunidade de Concellos de A Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo. A organización corre a cargo da empresa especializada Daboecia Arte y Naturaleza en colaboración con El Ecoturista. Ademais, nesta edición conta coa colaboración especial de RURALtXA! un proxecto que impulsa a bioeconomía no mundo rural e que conta co apoio da Fundación Biodiversidad do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación y Resiliciencia (PRTR), financiado pola Unión Europea-NextGenerationEU.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
