Donald Trump, nun xiro tan previsible como perigoso, volve poñer no seu punto de mira o comercio internacional. A realidade de novos aranceis contra produtos europeos e de medio mundo, en nome dun suposto patriotismo económico, é un ataque directo ao corazón produtivo de Europa. E si, tamén ao noso: ao das rías, ao dos viñedos, ao das fábricas e talleres de Galicia e do Norte de Portugal.
Trump non distingue entre aliados e rivais. Para el, todo o que non xere riqueza inmediata dentro das súas fronteiras é un obstáculo. A súa política comercial baséase na imposición, na forza bruta, na chantaxe diplomática. Non é comercio, é dominación. E Europa, por desgraza, aínda non aprendeu a responder con firmeza. Confía demasiado na legalidade internacional e na OMC, organismos que os EUA ignoran cando non lles convén.
Mentres Bruxelas redacta informes e consulta aos lobbies, as rexións coma a nosa levan o golpe. As exportacións de viño, conservas, produtos lácteos ou pezas industriais son as primeiras en caer no punto de mira. E que fai Madrid? Pouco. Que fai Lisboa? Silencio. Pois ben, Galicia e o Norte de Portugal non poden seguir esperando pola capital. Temos a obriga de construír unha resposta propia.
Un espazo común, unha estratexia común
A Eurorrexión Galicia–Norte de Portugal non é só un concepto político. É unha realidade económica, cultural e humana. Compartimos cadeas produtivas, portos estratéxicos, universidades e talento. Compartimos unha historia e un destino que vai moito máis alá das fronteiras administrativas. E, por riba de todo, compartimos vulnerabilidades fronte aos embates do mundo globalizado.
Esta nova ameaza arancelaria debería ser a espoleta que nos leve a un pacto firme de acción común. Non abonda con colaborar, temos que planificar, investir e actuar conxuntamente. Crear un fondo común para protexer sectores exportadores clave, desenvolver campañas de promoción en mercados alternativos, blindar a innovación e apostar por unha marca atlántica forte que nos sitúe no mapa global con voz propia.
A resposta non pode ser tímida
Non se trata só de resistir. Trátase de contraatacar con intelixencia. Se os EUA impoñen aranceis, Galicia e Portugal deben liderar unha resposta que presione á UE para aplicar medidas recíprocas. E se Bruxelas non quere molestar a Washington, que saiba que as rexións tamén teñen voz. Podemos e debemos falar nos foros europeos, nas redes comerciais e nos organismos internacionais. E, se é necesario, crear alianzas con outros territorios castigados polos mesmos abusos.
A resposta non pode ser só institucional. Debe ser tamén social e empresarial. Os empresarios galegos e portugueses deben saber que non están sós, que a cooperación pode traducirse en protección mutua, en innovación compartida e en presenza conxunta en feiras e mercados. Os nosos gobernos rexionais teñen a responsabilidade de facilitar esa colaboración e de deixar de pensar en clave localista.
A dignidade tamén se defende co comercio
Responder a Trump non é só unha cuestión económica. É tamén unha cuestión de dignidade. Non podemos permitir que se nos trate como simples peóns nun xogo de intereses alleos. Nin que se sacrifique a nosa economía para manter “boas relacións” con quen só entende a linguaxe do poder.
Galicia e o Norte de Portugal teñen experiencia, capacidade, historia e orgullo. Xa o demostramos cando construímos esta eurorrexión a pesar da indiferenza dos nosos centros de poder. Agora é o momento de dar un paso máis: de actuar como un bloque con estratexia, voz e ambición.
Se Trump quere poñer muros, nós construiremos pontes. Pontes comerciais, industriais e políticas que nos fagan máis fortes e menos dependentes. A nosa forza está na nosa unidade, na nosa creatividade e na nosa capacidade de resistir sen baixar a cabeza. A lusifonía e a diáspora é o canal.
Juan Carlos Piñeiro Docampo
Sº xeral de CxG
Membro da dirección do Partido Demócrata Europeo
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
