Madrid, 8 de abril, 2025. O debate sobre Alcoa na Comisión de Industria do Senado acabou nun texto compartido e transaccionado entre PSOE e PP e apoiado pola maioría dos restantes Grupos Parlamentarios.
Ao comezo do mesmo, César Mogo, Senador por Lugo, puxo de manifesto as “graves carencias da iniciativa que presentou o PP. Os dous grupos presentamos textos para transaccionar e finalmente alcanzamos un bo acordo”.
“Estamos moi satisfeitos por dito acordo porque se incorporaron todas as nosas propostas. Ademais, apoia as decisións tomadas polo Goberno de España e compartidas pola Xunta. En particular, que o PP de Lugo asumise incorporar o documento asinado entre Administracións e empresas o pasado 21 de xaneiro. Resultaba inexplicable que non estivese na proposta do PP porque significaría tanto como desmarcarse do mesmo polo que e é unha boa noticia que rectifiquen e asuman”.
De igual forma, no texto aprobado incorporáronse outras propostas como a colaboración entre administracións e as convocatorias periódicas da Mesa de seguimento, a axilización dos procedementos para a instalación dos parques de renovables, a compensación por CO2 que alcanzará os 600 millóns de euros, as medidas contempladas no Estatuto Electro intensivo e as liñas de apoio industrial para a modernización e a competitividade da planta.
“Na miña opinión, e así o puxen de manifesto, no debate reveláronse as contradicións do PP en relación con Alcoa. Entre outras, votando en contra no Congreso da proposta do Goberno para abaratar as peaxes eléctricas que permiten facer máis competitivo o prezo da enerxía e que son reclamados por todo o sector. Ou insistindo en que non recibiu axudas, como as do Fondo de Solvencia, que Alcoa non solicitou”, sinala Mogo.
“Pero o máis importante é que os dous partidos puxémonos de acordo sobre Alcoa nun texto que comeza co apoio aos traballadores tal e como propuñamos nas nosas respectivas achegas”.
“Alcoa e os seus traballadores non podían ser nin por un momento máis motivo de confrontación política. Merecen un acordo. E os socialistas esforzámonos para logralo”.
“Tras o acordo do 21 de xaneiro e os últimos anuncios, ábrese unha expectativa certa de futuro. Os socialistas profundizamos neste camiño que queremos sexa o da viabilidade da factoría e o da garantía do emprego para todos os traballadores”, conclúe o senador socialista.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
