A alcaldesa, Dolores García Caramés, apuntou “á cooperación e o diálogo” como base fundamental para superar esta situación e manter o emprego e a continuidade dunha empresa símbolo de Galicia, poñendo en valor “o papel fundamental da Xunta de Galicia, e en especial da Consellería de Emprego”
Cervo, 9 de abril do 2025. Dende o Concello de Cervo queremos expresar o máis sincero agradecemento á Xunta de Galicia, especialmente á Consellería de Emprego, polo seu compromiso e esforzo na resolución do conflito entre a xestión da fábrica de Sargadelos e a Inspección de Traballo.
En palabras da alcaldesa, Dolores García Caramés, a cooperación e o diálogo foron fundamentais para superar esta situación e garantir a continuidade dunha empresa tan emblemática, non só para o noso concello, senón tamén para toda Galicia. Gracias ao traballo conxunto das partes implicadas, conseguimos protexer os postos de traballo de moitas familias e preservar o legado cultural e económico que representa Sargadelos para nós.
Tamén quero expresar o noso recoñecemento -engadiu- a todos os traballadores e traballadoras de Sargadelos pola súa paciencia e dedicación durante este proceso. “Sodes o corazón desta fábrica, e o voso esforzo diario fai que este símbolo da artesanía galega se manteña vivo”.
Desde o Concello reafirmamos o noso compromiso de seguir apoiando a Sargadelos e a todos os sectores clave da nosa economía local. Continuaremos traballando da man das institucións e empresas para fomentar o desenvolvemento e o benestar dos nosos veciños e veciñas.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
