‘O Peirao’ está integrada por unhas 150 profesionais e composta por oito asociacións
Alfonso Villares asina convenio de colaboraciñon coa federacion galega de redeiras artesás o peirao
Santiago de Compostela, 14 de abril de 2025. A Consellería do Mar reforza o apoio á Federación Galega de Redeiras O Peirao, co fin de impulsar a súa actividade e de por en valor o traballo que desenvolven dentro do sector marítimo-pesqueiro. Proba delo, é o convenio que asinaron este luns o conselleiro responsable desta carteira, Alfonso Villares, e a presidenta de dito ente, María Jesús González, e que dá continuidade á colaboración que o Goberno galego vén mantendo con este colectivo nos últimos tempos.
O titular do departamento autonómico destacou o labor deste colectivo na loita pola igualdade de oportunidades, pois foi decisivo para conseguir a regulación a nivel nacional desta profesión, o que permitiu implantar un certificado de profesionalidade. Neste senso, puxo en valor a colaboración da Federación co Instituto Galego de Seguridade Laboral para mellorar as condicións de traballo e previr doenzas relacionadas coa súa actividade, así como os avances para implantar un programa específico de inspección laboral para as redeiras galegas.
Alfonso Villares subliñou os esforzos dirixidos á diversificación da actividade coa finalidade de complementar os ingresos das profesionais nos períodos de inactividade e a participación en congresos, feiras e eventos relacionados co sector nos que promocionar o seu traballo e asegurar, dixo, o tan necesario relevo xeracional. Por iso, para o titular de Mar é importante deseñar accións coma o convenio asinado, xa que contribúen a que a xente moza se sinta atraída por esta actividade con presenza maioritaria de mulleres.
150 profesionais
A Federación Galega de Redeiras Artesás O Peirao agrupa a unhas 150 profesionais e está composta por oito asociacións, que son as seguintes: Atalaia-A Guarda, Cariño, Cedeira, O Cerco-Cangas, Illa da Estrela-Corme, O Feital-Malpica, Portosín e Virxe Carme-Porto do Son.
Naceu co obxectivo de dar a coñecer este oficio e mellorar a profesión dende todos os eidos, desde o laboral, o da saúde, o económico, o social, as relacións coa contorna e o seu impacto no medio ambiente.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
