Foz, 22 de abril de 2025. A concelleira de Facenda e voceira do goberno municipal de Foz, Inés López Couto, denuncia a “demagoxia do señor Castiñeira desinformando interesadamente” sobre as facturas do concello pendentes de pago. E explica que o Concello de Foz leva a pleno un recoñecemento extraxudicial de facturas de 811.000 euros que non foron tramitadas no ano pasado por falta de técnicos para facelo.
“É importante que se explique: unha administración ten una enorme tramitación administrativa e son necesarias as sinaturas de varias persoas para poder aprobar e pagar unha soa factura. Neste caso a sinatura do interventor é indispensable e Foz estivo sen está persoa durante moitos meses pola falta destes técnicos a nivel nacional polo que o traballo estancouse; e obviamente o Concello non para, pero se a intervención non pode tramitar xerase un problema”, manifesta Inés López Couto, que engade: “a nosa obriga é xestionar, por iso en canto entrou un novo interventor interino axilizouse a liquidación do orzamento 2024 e o recoñecemento extraxudicial coa tramitación máis rápida para que os provedores que fixeron os seus traballos para o Concello poidan cobrar e non se retrase máis, pero esta tramitación conleva unha aprobación plenaria, non polo feito en si das facturas senón polo principio de anualidade orzamentaria, xa que son facturas dun exercicio pechado. Se o señor Castiñeira quere ir contra todos pode seguir a liña da xunta de voceiros, onde expresou que votaría en contra, intentando que os traballos non se paguen, só por prexudicar ao goberno. Iso é altura de miras”.
A concelleira de Facenda indica tamén que “a realidade é que se está traballando a tope para poder solucionar o que non se tramitou en meses, e queremos agradecer o traballo de todo o persoal de Intervención, que está a tope, e o resto do persoal doutras áreas, que está axudando a levar a cabo todos os expedientes. É importantísimo volver a poñer ao día o Concello”.
Sobre as declaracións do PP, López Couto comenta: “sempre utilizan os informes dos técnicos coma arma arreboladiza, moitas veces sen lelos, utilizando unha frase solta, só a que máis interesa. Non utilizan nas que se di que o Concello non ten problemas de tesourería, xa que son facturas que por carecer do técnico que asina para a súa tramitación non se conseguiron pagar no exercicio que tocaba. Por suposto que se cargan ao orzamento prorrogado, non vamos a facer coma el e gastar máis do que se ingresa. Para modificar os créditos están as transferencias de crédito, veremos se as aproban ou se tamén van estar en contra para ir contra todo”.
Ademais a concelleira de Facenda aclara: “nós non deixamos cousas sen pagar, estamos tentando solucionar todo, como tivemos que solucionar o que deixou sen pagar el. O importante é estar para solucionar os problemas que saen e iso é o que se está facendo. Se a oposición quere ir contra o seu pobo poden seguir na súa actitude de todo non”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
