Os deputados provinciais Antonio Ameijide e José María Fernández comprobaron xunto ao voceiro do PP de Barreiros, José Manuel Gómez Puente, e compañeiros do Partido Popular comprobaron que quedaron os seis primeiros quilómetros da LU-P-0609, na Rilleira, sen acondicionar
Barreiros, 23 de abril de 2025. O PP denuncia “a falta de mantemento e o descontrol na planificación dos traballos de limpeza das marxes das vías” titularidade da Deputación de Lugo. Por iso, instan ao goberno provincial de PSOE e BNG a “desenvolver un plan serio de conservación e mantemento da rede viaria provincial con actuacións periódicas nas vías para evitar que o seu estado de abandono poida xerar un risco para a seguridade dos usuarios”.
Os deputados do Grupo Provincial Antonio Ameijide e José María Fernández comprobaron xunto ao portavoz local de Barreiros, José Manuel Gómez Puente, e compañeiros do Partido Popular o resultado dos traballos na LU-P-0609 ao seu paso polo lugar da Rilleira: “quedaron os seis primeiros quilómetros da vía sen acondicionar”.
Os populares advirten de que “fai anos que non se limpan as marxes da vía que, co paso do tempo, vai acumulando materia orgánica e estreitecendo a calzada” de forma que “dos 4 metros da estrada quedan útiles arredor de 2,50 metros”. Isto supón “un perigo para a circulación” toda vez que “practicamente só cabe un coche”. É dicir, “non poden cruzarse dous vehículos sen que algún deles -ou ambos- teñan que invadir a zona cuberta de herbas e maleza”.
O portavoz provincial, Antonio Ameijide, condena que, “unha vez iniciados os traballos de limpeza das marxes, non se completen en toda vía” para garantir a seguridade dos usuarios, principalmente veciños da zona e de lugares próximos como Gondán, Cabarcos ou Vilamartín Pequeno.
O estado desta estrada provincial “evidencia a falta de planificación e o descontrol” do goberno provincial de PSOE e BNG que se suman a “anos de abandono da rede viaria da Deputación de Lugo”.
Como advirte reiteradamente o Grupo Provincial Popular, “son moitas as deficiencias nas estradas provinciais con puntos co pavimento en mal estado ou directamente desfeito, sen pintar, coas marxes sen limpar e outras deficiencias que se debe á falta de mantemento e conservación durante anos por parte do goberno de PSOE e BNG que non é capaz de manter o que construíron gobernos anteriores do Partido Popular con menor orzamento”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
