As dúas residencias organízanse en colaboración coa Residencia Literaria 1863 que dirixe a Premio Nacional de Poesía Yolanda Castaño
Lugo, 3 de maio de 2025.- A área de Cultura da Vicepresidencia da Deputacion de Lugo impulsa dúas residencias para autorxs e tradutorxs literarixs da provincia en centros de Polonia e Islandia.
A deputada de Cultura Iria Castro presentou a iniciativa esta tarde, acompañada da escritora Yolanda Castaño, Premio Nacional de Poesía, que dirixe a convocatoria, organizada en colaboración con Residencia Literaria 1863.
No acto, ambas valoraron a proposta como un apoio á creación e á tradución literaria en galego, que ofrece a autorxs e tradutorxs unhas condicións de excelencia para o desenvolvemento do seu traballo: un tempo, un espazo, un contexto e unhas condicións ideais para a enteira dedicación ao seu propio proxecto de escrita creativa ou tradución literaria.
As Residencias para Tradutores/as e Autores/as Literarios/as da provincia de Lugo consistirán en dúas bolsas de traslado, manutención e un mes de estadía en residencias situadas na aldea de Krzywogoniec (norte de Polonia) e ao pé do lago Laugarvatn (no suroeste de Islandia). Trátase da Fundación czAR(T) Krzywogońca e do Centro para a Creatividade Gullkistan, respectivamente.
A elección dos destinos responde a vontade de aumentar e enriquecer o perfil internacional dos e das escritoras e tradutoras luguesas, conectándoas, neste caso, con outras áreas rurais europeas.
Destinadas a pasar este vindeiro mes de agosto de 2025 en residencia, diríxense a escritores/as en galego con ao menos un libro publicado, así como tradutores/as con demostrada experiencia na tradución de literatura, en ambos casos nados/as e/ou residentes na provincia luguesa.
Os interesados ou interesadas deberán presentar unha memoria de proxecto, bio-bibliografía, carta de motivación e mostra de traballos anteriores capaces de convencer a un xurado experto –designado polas entidades convocantes– que o/a seleccione en concorrencia competitiva. As candidaturas poden presentarse do 5 de maio ao 25 de maio. no correo electrónico 1863coruna@gmail.com. A convocatoria estará dispoñible desde o luns na web da Deputacion de Lugo.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
