Un Burela con erros pero que xenerou moitísimas ocasións ante un contundente Tudela que se veu arriba ao marcar distancias co segundo gol
Burela, 3 de maio, 2025. O conxunto masculino do CD Burela FS disputou o antepenúltimo encontro da tempada no Municipal Ciudad de Tudela ás 20.00h desta tarde. Duelo importantísimo para dous equipos que loitan pola permanencia e que ser resolve coa salvación dos locais.
Ritmo frenético neste inicio de partido, unha do Burela e tres do Navarra nos primeiros tres minutos, a última un disparo de Terry que salva Michal Kaluza sacándoa coas mans por encima do traveseiro. No minuto 10 Charly tena pero váiselle desviado e comezan a presionar con forza os locais con varias intervencións de Michal nos próximos minutos, no 11 salva un disparo de Malaguti, no 12 outro de Gaby e no 13 volve frustrar outro intento de Malaguti tras un contraataque. Chega o primeiro gol do Ribeira Navarra un minuto despois cun disparo de Ribeira con asistencia de David, que supera a Kaluza tras recibir un balón en longo. Volve salvar o noso Muro Polaco sacando coa man un durísimo trallazo de Terry e outra vez no 17 sácalla a Eric Pérez nun cara a cara tras outro pase en longo. Ocasión clarísima de Alberto que recibe de Isma e tenta picala por encima do porteiro desde a área, estando este no chan, pero detena Raúl Jiménez frustrando o primeiro tanto dos laranxas que volven tentalo en dúas ocasións máis, continuas, nas que non conseguen anotar, primeiro Pitero e posteriormente Alberto novamente, ambos se atopan con Raúl Jiménez.
Abre a segunda parte con 2-0 no primeiro minuto, mala saída de balón por parte de Michal que lla deixa a Terry no pé e este cédella a Albertico que anota desde a área. Boísima intervención de Raúl sacando coa man un potente disparo frontal de Rikelme tras unha transición. 3-0 no minuto 27 cun gol en propia porta de Charly que tenta sacala da portería pero métea. No 28 o técnico santiagués aposta polo xogo de 5 e saca a Araya de porteiro-xogador cunha primeira ocasión do capitán chileno na primeira xogada que despexa o porteiro e pau de Charly segundos despois no terceiro intento dos burelenses. Mete o cuarto Malaguti tras un saque de banda rápido de Sepe, o pivote benaventino vaise da defensa mariñá e métea desde a frontal da área. Disparo potentísimo de Charly que saca Raúl por encima do traveseiro no 32 e outro de Isma segundos despois que se vai lonxe da portería. Continúao tentando un loitador Burela pretendendo remontar un partido ao que quedan moi poucos minutos, pero o equipo que nunca se rende continúa presionando. Aínda que chega o quinto a portería baleira, un gol de Terry tras unha recuperación en xogo de 5 e o sexto, de novo de Albertico, no 33 nun rexeite tras unha boa transición e fronte a un Burela esgotado. Saca Michal por encima da portería no 34 un disparo de João. Paradón incrible de Raúl Jiménez ante un tiro de Araya que remata desde a liña de penalti. Minuto 35 Michal anota un gol fantasma e no 36 sexta falta do Tudela que lanza Juninho e desvíaa Raúl ao pau. Chega o 7-0 para os navarros cunha xogada de estratexia nun saque de esquina que mete Terry. Salva Michal no mesmo minuto un remate de João Batista.
Remata un demoledor encontro cun resultado que non fai xustiza ao xogo burelense. A fin de semana que vén, o Burela xógase a permanencia na casa ante un xigante, o Pozo Murcia Costa Cálida, nunha xornada que promete moita emoción e moita afección laranxa, nun encontro importantísimo en Vista Alegre ás 19.30h no que sabemos que os nosos Pícaros o darán todo pola permanencia do club en primeira división.
Ficha Técnica ATP Iluminación Tudelano Ribera Navarra 7-0 Burela FS
ATP Iluminación Tudelano Ribera Navarra (7): Raúl; Tripodi, Sepe, Albertico, Terry -quinteto inicial-, David, João Batista, Malaguti, Gaby, Éric Pérez.
Burela FS (0): Kaluza; Araya, Isma, Alberto, Rikelme -quinteto inicial-, Pitero, Charly, Quelle, Marc Campàs, Juninho.
Goles: 1-0, min. 14: Ribera. 2-0, min. 21: Albertico. 3-0, min. 27: Charly (PP). 4-0, min. 31: Malaguti. 5-0, min. 32: Terry. 6-0, min. 33: Albertico. 7-0, min. 37: Terry.
Árbitros: Pablo Delgado Sastre, Alejandro Martínez Flores, Kepa Díez España, César Cereceda Lasanta.
TA: Por parte del Ribera Navarra, Terry, Albertito, Gaby y Malaguti. Por parte del Burela, R. Ribeira, David Rial, Araya, Isma.
TR: Sepe (Doble Amarilla)
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
