Viveiro, 5 de maio de 2025. A Asociación de comerciantes do Centro Histórico de Viveiro pon en marcha a campaña Rasca e Gaña con 45.000 premios.
Esta é a segunda edición da campaña que se puxo en marcha por primeira vez en novembro, e que debido ó bó resultado e acollida entre os clientes agora vólvese a realizar, pero nesta ocasión con mais negocios participantes, sendo un total de 56 e aumentando tamén os premios, que pasan de 20.000 na edición anterior a ser agora mesmo 45.000.
Este tipo de tarxetas con premios son un incentivo promocional moi exitoso, e cumpren un dobre obxetivo, por un lado fomentar as ventas no comercio local e por outro premiar a fidelidade dos clientes.
Serán un total de 56 negocios participantes de tódolos sectores, polo que os premios serán moi variados. Participan:
FYM Moda, Dr.Zapato, Kody, Sanjurjo Moda, Kalea, Misstic, Complementos Sulian, Versus, Tacones, Pasteleria Vale, Muebles Catá, Bmd, Jonathans, Cesar Cocina y Baño, Biá-Biá, Nacar, Albo Zapaterias, Albo 55 Sneakers, Calzados Albo, Carlos Fotógrafos, Mimimó, Cobelinha, Optica Rosario, Van Surf, Van Surf Sneakers, Africa Copias, Oscar Joyeros, Confecciones Justo Vazquez, Cocolatte, Platax, Sca Masajes, Peluquería Angeles Salgueiro, Latitud Doce,Fusión Cafetería, Delicias De Belkis, Cornelius Taberna, Cafetería Cantábrico, Centro estético Patricia, Iglesias Muebles, Salón Marta Timiraos, Estanco Casanova, Black & Sea Audiovisual, Paquetería Nuria, Minymas Casco y Minymas La Ria, Luasflor, Ledicias, Juguelandia, Isabel Dayán estilistas, Paquetería Mónica, Mi cama me mima, Muro Restaurante, Bar a Zapatería, La Tortilla Maravilla, La Biblioteca e Gato Pardo Culturpub.
Poderanse atopar con premios como unha porcentaxe de desconto nas vindeiras compras, descontos, en sesións de estudio de fotografía, en masaxes, en experiencias en salóns de peiteados, ou en produtos de coidado do cabelo, ou premios como pendentes, alfombras de baño, regalos sorpresa, cafés, cervexas, almorzos completos, merendas, hamburguesas, tostas, batidos, tapas, pizzas, ceas, e moito mais. Unha gran variedade de premios, que serán un total de 45.000, a desfrutar ata o 31 de maio, dia en que finaliza esta campaña.
O rascas serán entregados coas compras ou consumicións nos negocios participantes. O cliente que resulte agraciado cun premio deberá canxealo no negocio que indica o rasca. Os premios poden canxearse ou reclamarse ata o 31 de maio (data máxima) e non son acumulables entre si nin a outras promocións.
Esta campaña conta ca colaboración da Xunta de Galicia dentro das actividades de dinamización dos centros comerciais abertos.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
