Carlos López Font invita ao conselleiro a “corrixir o tiro” e a actuar ante os comisarios europeos de Comercio e de Pesca en vez de apuntar ao Goberno
Santiago de Compostela, 6 de maio de 2025. O deputado socialista Carlos López Font defendeu hoxe no Parlamento galego que o atún quede fóra do acordo de libre comercio que a Unión Europea está a negociar con Tailandia. Na súa réplica ao conselleiro de Pesca, que compareceu na Cámara autonómica, Font reclamou a protección da industria conserveira europea “fronte a calquera liberalización arancelaria”, xa que o sector cumpre “os máis altos estándares de sustentabilidade”, mentres que a tailandesa “presenta deficiencias estruturais preocupantes”.
O parlamentario do PSdeG reafirmou o compromiso do Partido Socialista co sector e lembrou que os socialistas non só mantiveron diversas reunións con Anfaco para tratar a cuestión, senón que lle facilitaron á organización que agrupa aos fabricantes de conservas de peixe e marisco encontros con membros da Comisión de Comercio Internacional do Europarlamento, responsable para os acordos de libre comercio. Recordou tamén que o Goberno de España xa alertou á Comisión Europea de “que as conservas e preparados de atún son produtos especialmente sensibles nas negociacións do acordo de libre comercio”, posto que calquera concesión a Tailandia no que se refire aos aranceis “podería afectar gravemente á perda de competitividade e capacidade produtiva da industria”. E por ese motivo solicitou que o sector se mantivera “fóra de calquera liberalización ou redución arancelaria”.
Carlos López Font sinalou que esta problemática xa se tratou no Senado en diferentes ocasións, e “sempre os representantes do PP invocan ao Goberno de España para a defensa do sector”. Porén, invitou ao conselleiro a “corrixir o tiro”, xa que se os debates no Parlamento galego “son benvidos”, asegurou, urxe máis “a acción ante o comisario europeo de Comercio, responsable das negociacións, e presión ante o comisario de Pesca, responsable de garantir a competitividade dos sectores pesqueiro e conserveiro”. Este último “é do PP europeo”, apuntou o deputado do PSdeG para advertir que se a pesca e a conserva saen danadas do acordo de libre comercio, “será culpa do Partido Popular por traizoar os intereses de Galicia, España e Europa nesta negociación”.
Font alertou do impacto que podería ter sobre a pesca e a industria conserveira a inclusión do atún no acordo comercial co país asiático. Segundo cifrou o ano pasado un estudo da European Tuna Group, elevaríase a 805 millóns de euros de xeito directo. A iso sumaríanse 1.259 millóns máis de xeito indirecto, 122 millóns de perdas por ingresos arancelarios e outros 476 millóns debido á perda de 4.600 empregos en todo o continente. A maiores, descendería a calidade dos produtos que se venden ao público, debido ás menores esixencias ambientais e controis.
Na actualidade, Tailandia é o principal fabricante de preparacións e conservas de atún, co 24 % da produción mundial. É tamén o maior exportador, cun cuarto do comercio mundial no referido a este sector. Á UE exporta 12.000 toneladas ao ano, cun arancel do 24 %. Segundo as análises de Anfaco, a derogación deses aranceis provocaría un incremento inmediato dun 20 % nesas exportacións a Europa.
Para soster esa produción, a industria tailandesa importa, á súa vez, atún procedente de países “con prácticas de pesca opacas en canto a sustentabilidade e controis sanitarios”, denunciou Font, que subliñou tamén que Tailandia “non aplicou os principais acordos internacionais sobre dereitos humanos e traballo no mar”. De feito, a última auditoría da Comisión Europea, realizada hai dous anos, puxo de manifesto “fallos persistentes en materia de saúde e seguridade alimentaria”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
