A deputada do PSdeG Patricia Otero sinala na Comisión de Industria do Congreso que os nacionalistas “ou descoñecen a normativa ou a manipulan”, mentres o Goberno dixo non aos cartos públicos para a pasteira “coa lei na man”
Madrid, 8 de maio, 2025. A deputada socialista galega Patricia Otero defendeu hoxe na Comisión de Industria do Congreso que a concesión de axudas públicas ou a súa denegación debe facerse “coa lei na man” e non buscando “atallos que non son bos en democracia”. Fíxoo durante o debate dunha iniciativa a través da que o BNG pretendía esixirlle ao Goberno a exclusión de Altri de calquera tipo de subvención sen ter en conta a legalidade.
“Se unha cousa está clara, e é o que nos diferencia, é que nós nos movemos dentro da lei”, asegurou Otero. Fronte á demanda do representante nacionalista, a deputada do PSdeG instouno a aceptar que respecte o proceso de adxudicación de axudas, e recordou que o Goberno do Estado vén de denegarlle á sociedade promotora da planta de celulosa os 30 millóns que solicitara dentro da convocatoria do Perte de descarbonización.
“Non se lle deron os fondos porque non cumpría os criterios establecidos nesa convocatoria”, argumentou, para remarcar que “o Goberno falou claro e cumpriu coa legalidade”. Do mesmo xeito, advertiu ao PP que non se poden conceder subvencións públicas a un proxecto “a toda costa, sen mirar se cumpre os requisitos”, tal como están a reclamar os populares.
Patricia Otero insistiu, ademais, en que a posición do Partido Socialista respecto da instalación da factoría de Altri en Palas de Rei “é clara”. “O proxecto real non nos gusta, e digo proxecto real non aquel que nos presentou o señor Feijoo en 2021”, detallou en referencia aos cambios que se produciron nunha iniciativa que se vendeu en orixe coma unha fábrica de fibras téxtiles sustentables e acabou mudando nunha macrocelulosa.
“Nós respectamos os tempos, que en democracia son moi importantes, pero a vostedes cústalles entender iso”, censurou a parlamentaria socialista respecto do grupo propoñente. Mais “os feitos e o propio tempo están demostrando que estamos no camiño seguro”, remarcou.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
