A ordenanza está totalmente redactada, completou o seu período de exposición pública e está lista para a súa aprobación definitiva
Viveiro, 8 de maio, 2025. O BNG de Viveiro vén de denunciar publicamente “a inacción do goberno local do PP en relación coa nova Ordenanza de Tenza de Animais”, un texto que quedou rematado durante o anterior mandato, impulsado pola área de Medio Ambiente que dirixía a nacionalista Míriam Bermúdez.
A normativa, segundo explicou Bermúdez, supón “un paso adiante fundamental no benestar animal e na convivencia en espazos públicos, coa creación de zonas específicas para cans, a regulación da tenza responsable, o control de colonias felinas mediante o método CER, e un sistema de sancións graduado”. O texto xa superou a fase de exposición pública, polo que está listo para ser levado a pleno e aprobado definitivamente.
“Non entendemos por que o goberno do PP ten gardado nun caixón un documento tan necesario e que foi elaborado co máximo rigor técnico e legal. Cada día que pasa sen aprobar esta ordenanza é un día máis de incerteza para as persoas que conviven con animais e un retroceso nas políticas de benestar animal no noso concello”, denuncia Míriam Bermúdez, e afirma tamén que “o PP está a un paso tamén de retirar Seiramar como praia de uso compartido, increiblemente”.
A ordenanza establece obrigas claras para as persoas propietarias de animais, regula a tenza de cans potencialmente perigosos, obriga á identificación mediante microchip, e impulsa a creación das Zonas de Esparexemento Canino (ZEC) en Celeiro, Nogueiras, Xunqueira, Seiramar e Covas. Para o BNG, a non aprobación da normativa supón tamén frear melloras concretas que xa estaban previstas para eses espazos.
“É unha mostra máis do inmobilismo deste goberno, que nin avanza nas súas propias propostas nin permite que se materialicen iniciativas útiles que deixamos traballadas desde o BNG. É responsabilidade do goberno local dar continuidade aos avances, non bloquealos por prexuízos partidistas”, engadiu Bermúdez.
O BNG anuncia que presentará un rogo no próximo pleno ordinario para instar ao executivo municipal a incluír esta ordenanza na orde do día do pleno de xuño, e reclama “un mínimo de responsabilidade e sentido común para non frear un avance que a veciñanza leva moito tempo esperando”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
