Ribadeo, 13 de maio, 2025. A Confederación Hidrográfica do Cantábrico iniciou os traballos de mantemento, conservación e mellora do río Grande nas inmediacións de Cedofeita, dentro do municipio de Ribadeo.
Estas actuacións contan cun orzamento inicial de 26 000 € e execútanse ao longo de 1500 m de leito, co obxectivo de retirar árbores caídas e restos vexetais, co fin de evitar a formación de tapóns e manter a capacidade de desaugadoiro do leito.
Estes traballos realízanse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, xa que nas zonas urbanas os labores de conservación e mantemento de leitos son competencia dos concellos. Durante o ano 2024 investíronse en Lugo 371 438,36 € repartidos en 34 actuacións en 13 municipios.
Actuacións de conservación e mantemento de leitos
As mal chamadas “limpezas de leitos” son actuacións de conservación e mantemento de leitos destinadas a mellorar as condicións ambientais dos nosos ríos e facilitar o discorrer das augas en pequenas avenidas.
En relación coa prevención de inundacións, fenómenos naturais que non podemos evitar, os labores de mantemento e protección de leitos só son adecuadas e eficaces en casos puntuais (en obstrucións provocadas por árbores caídas na contorna de infraestruturas ou tramos de capacidade hidráulica reducida).
A Lei de Augas atribúe ás Confederacións Hidrográficas competencias que son concorrentes no espazo fluvial con competencias atribuídas ás Comunidades Autónomas e Concellos.
As actuacións en leitos públicos situados en espazos materialmente urbanos corresponden ás Administracións competentes en materia de ordenación do territorio e urbanismo, tal como establece a Lei 10/2001, do 5 de xullo, do Plan Hidrolóxico Nacional, artigo 28.4, e, fóra desas zonas, os labores de conservación, protección e mellora dos leitos, ademais de por as Confederacións Hidrográficas, poden ser realizadas por outras administracións ou por particulares, previa autorización.
É importante sinalar tamén que a competencia en relación coa retirada de residuos é municipal, tal como recóllese no artigo 26 a) da Lei 7/1985, do 2 de abril, Reguladora das Bases do Réxime Local.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
