As axudas, dun maximo de 2.400 euros, poden solicitarse do 15 de maio ao 11 de xuño,incluídos
Lugo, 14 de maio de 2025. Rural da Vicepresidencia da Deputación de Lugo abre mañá – 15 de maio- a convocatoria da segunda edición do programa Marela! de axudas á recría de Raza Rubia Galega nas ganderías da provincia.
O Boletín Oficial da Provincia publica hoxe as bases da convocatoria con axudas de 400 € por xovencas nacidas na propia granxa , que teñan acreditado un parto antes dos 36 meses e que estean inscritas no Rexistro Definitivo do Libro Xenealóxico de Raza Rubia Galega de ACRUGA.
O deputado Daniel García, que visitou a gandería Finca Villadangos, en Sabarei, no Corgo, explicou que “incrementamos a cobertura do programa ampliando a idade dos animais subvencionables ata os tres anos, tendo en
conta a experiencia da última anualidade e a demanda das ganderías coas que tratamos de manter un contacto contínuo desde a área de Rural para que as axudas cheguen da forma máis áxil e adaptada posible ás necesidades do sector”
O responsable provincial encadrou o programa “no apoio a conservación e promoción das razas autóctonas,neste caso colaborando e incentivando con esa achega económica a conservación e a mellora xenética da Raza Rubia
Galega, na que se sustenta en boa medida a gandería de vacún de carne na provincia, fundamental na produción de alimentos de calidade e na conservación do territorio”
O programa conta este ano cun orzamento de 250.000 euros -50.000 euros máis que na pasada anualidade-. As achegas están acoutadas a un máximo de seis animais por gandería, 2.400 euros.
O prazo de solicitude é de 20 días hábiles, do 15 de maio ao 11 de xuño, ambos incluídos. Os formularios están dispoñibles na páxina web da Deputación de Lugo, na sección Medio Rural e Mar.
No caso das persoas físicas, poderán elixir presentar a solicitude por vía electrónica ou presencialmente no Rexistro da Deputación de Lugo. A Para as persoas xurídicas, o trámite será unicamente por vía electrónica.
En 2024, 251 ganderías recibiron estas axudas para a promoción e potenciación da Raza Rubia Galega
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
