María Loureiro lembra que a actuación foi promovida no seu anterior mandato, grazas á planificación municipal e á colaboración institucional coa Deputación, que achegou 544.000 euros en dúas anualidades
Viveiro, 16 de Maio de 2025. O PSdeG-PSOE de Viveiro reivindica a autoría da renovación integral da rúa do Porto de Celeiro, unha obra promovida e planificada durante a alcaldía de María Loureiro, que exemplifica o modelo de xestión responsable, útil e cooperativa que o PSdeG defendeu ao fronte do Concello de Viveiro. Trátase dunha actuación estratéxica para a mobilidade e o futuro de Celeiro, que está xa na súa fase final de execución.
Este plan de humanización abrangue unha zona estratéxica no núcleo de Celeiro -no cruce da rúa Lavandeiras coa LU-P-6612 e a rúa do Porto- e ten como obxectivo mellorar a mobilidade, a accesibilidade e os servizos, sen renunciar á identidade mariñeira da contorna. O proxecto contempla a renovación das redes de abastecemento, o saneamento e pluviais; a mellora do alumeado público; a canalización de servizos; a pavimentación de beirarrúas e calzada; a creación de zonas de aparcadoiro, e a instalación de novo mobiliario urbano e sinalización.
Esta iniciativa contou cun orzamento de 680.704 euros, financiado grazas ao convenio asinado durante o mandato socialista entre o Concello de Viveiro e a Deputación de Lugo. A institución provincial achegou o 80% do investimento necesario para acometer a obras, mentres que o Concello aportou os 136.000 euros restantes.
A voceira socialista, María Loureiro, destaca que se trata “dunha actuación fundamental para mellorar a mobilidade e a accesibilidade da veciñanza de Celeiro, que permite renovar unha das áreas máis dinámicas do municipio sen perder a súa esencia mariñeira”. Subliña, ademais, que “esta intervención resolve un problema histórico que afectaba especialmente ao sector hostaleiro, relacionado co deficiente abastecemento de auga na zona”. Loureiro lembra que “foi unha iniciativa traballada polo goberno socialista, pensada para dar resposta ás necesidades reais do barrio e mellorar a calidade de vida da cidadanía”.
Desde o PSOE de Viveiro destacan que esta obra é un exemplo de xestión responsable, planificación a longo prazo e aproveitamento dos recursos públicos, coa vista posta na mellora dos espazos públicos e da calidade de vida da veciñanza. “A rúa do Porto de Celeiro é hoxe un exemplo do que representa a política útil e transformadora do PSdeG: proxectos ben deseñados, ben financiados e pensados para mellorar o día a día da veciñanza”, concluíu Loureiro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
