Viveiro, 20 de maio, 2025. A portavoz municipal do BNG, Míriam Bermúdez, denuncia o que cualifica de ·lamentable estado do paseo fluvial do Landro, entre Viveiro e Portochao, onde a vexetación descontrolada invade o camiño pola falta absoluta de rozas e onde se poden observar numerosas táboas rotas, deixando furados de máis de 50 cm de profundidade que supoñen un risco indiscutible para as persoas que o transitan”.
Durante o mandato do BNG investíronse máis de 23.000 euros no mantemento deste espazo: reparacións de carpintería, podas, desbroces e outras actuacións que garantían a conservación dun dos paseos máis utilizados pola veciñanza. “Sempre actuamos en tempo e forma, con responsabilidade e compromiso”.
“Pero a pasividade desta Alcaldesa 60K é absoluta: nin rozas, nin reposición de táboas, nin balizamento da zona por seguridade, nada. Só deixamento dunha alcaldesa que só ten ollos para a Praza Maior, mentres o resto do concello esmorece”.
Costas confirmou a renovación do paseo fluvial do Landro para 2025 cando o BNG estaba no goberno
“Sabemos que este paseo presenta problemas estruturais de fondo. Por iso, cando o BNG estaba no executivo, iniciamos xestións co Servizo Provincial de Costas -titular do paseo- para acadar unha solución definitiva, conseguindo o compromiso de renovar por completo a pasarela de madeira. E todo grazas ao traballo da nosa portavoz, Míriam Bermúdez”.
“Un compromiso que, de continuar o BNG no goberno, hoxe sería unha realidade. Porén, o actual executivo do PP nin dá continuidade ao traballo feito nin amosa o máis mínimo interese en facer seguimento nin presión para que esta renovación se materialice”.
“Pode que, como xa fixeron noutras ocasións, desprecen as propostas do BNG só por seren nosas: como fixeron coa remodelación da Praza de Abastos, coa contratación dunha empresa de servizos enerxéticos que aforraría ata un 50 % a factura da luz, ou coa proposta de que a Xunta asuma o Conservatorio de Viveiro”.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
