“O alcalde de Foz está máis pendente do móbil e das fotos que dos maiores. Fai xestos baleiros, procura titulares e non dá unha soa solución real. Nin unha”, afirma Javier Castiñeira, voceiro do PP de Foz
Foz, 22 de maio de 2025. O Partido Popular de Foz denuncia con indignación a deriva propagandística e ridícula do alcalde Cajoto, que continúa empregando un tema tan serio como a residencia de maiores para facer política de escaparate, fotos sen contido e teatrillos impropios dun cargo público.
Nos últimos meses, Cajoto protagonizou unha serie de escenas máis propias dun reality show que dun alcalde serio: presentouse sen cita no despacho da conselleira de Política Social só para sacarse un seflie, interceptou unha visita oficial en Ribadeo para entregarlle uns papeis e forzar outra foto, e onte apareceu no Parlamento de Galicia, coma quen vai buscar cámaras, non solucións.
“O alcalde de Foz está máis pendente do móbil e das fotos que dos maiores. Fai xestos baleiros, procura titulares e non dá unha soa solución real. Nin unha”, afirma Javier Castiñeira, voceiro do PP de Foz. “Esta maneira de facer política, baseada no espectáculo e na mentira, é unha burla para os veciños de Foz”, continúa.
Cajoto segue insistindo nunha suposta débeda de 700.000 euros da Xunta que non aparece en ningún documento oficial, nin conta con respaldo técnico. A realidade é que foi o propio Concello, baixo o sue mandato, quen quixo impoñer uns prezos abusivos que o Tribunal administrativo de Contratación Pública de Galicia tumbou. Ese é o verdadeiro problema da residencia.
“O señor Cajoto quere facer responsable á Xunta do que el mesmo estropeou. A conselleira Fabiola García fixo o que tiña que facer: dotou a Foz dunha residencia nova, moderna e equipada. O resto é fume e teatro. Mentres tanto, os usuarios, os familiares, os traballadores e ata os que eran os seus socios de goberno lle deron as costas. Xa ninguén lle compra o espectáculo” engade Castiñeira.
Desde o Partido Popular de Foz piden desculpas á Xunta de Galicia e á conselleira polo comportamento irrespectuoso do alcalde, e agradecen o compromiso constante e serio da Xunta coa nosa vila.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
