Viveiro, 24 de maio, 2025. A portavoz do BNG en Viveiro, Míriam Bermúdez, denuncia que a Piscina Municipal de Viveiro leva pechada toda a semana “por motivos técnicos”, sen que o Concello dea unha explicación clara. “Sería máis útil que avisaran cando estea aberta”, ironiza Bermúdez, ante a numerosa cartelería que se pode observar na porta da piscina informando do seu peche.
A nacionalista sinala que “cando unha instalación falla un día, pode pasar, pero cando falla día tras día, o que falla é a xestión da alcaldía”. Os socios e socias continúan pagando a súa cota mensual, mentres o servizo non funcionar con normalidade. Opacidade e falta de información que padecen os usuarios.
A portavoz do BNG lanza unha pregunta directa a Mariña Gueimunde: “Vai recortar tamén na piscina municipal?”. Bermúdez insta ao goberno municipal a buscar unha solución definitiva: “A veciñanza merece servizos que funcionen, non escusas impresas” e pide revisar o modelo de xestión actual.
“O BNG continúa así o seu labor de fiscalización dun executivo que segue sen dar resposta ás necesidades básicas da veciñanza cunha evidente falta de previsión”.
A iniciativa foi promovida polo propio colectivo. O director territorial da Consellería de Cultura, Lingua e Xuventude, Manuel Antonio Fernández, sumouse ao acto, no que lle trasladou o recoñecemento da Xunta ao artista sarriao, multiinstrumentista e luthier que destaca entre as principais figuras do panorama musical galego.
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha.
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
A iniciativa, enmarcada no programa Conecta Lugo, foi organizada pola CEL e financiada polo IGAPE, e ten como obxectivo o apoio con financiamento ao emprendemento e innovación na provincia de Lugo. Por parte da FCAM interviñeron Isabel Méndez, secretaria da federación mariñá e xerente da asociación CCH de Viveiro; e Beatriz Irigoyen, asesora de A Mariña Federación.
Catro delas coñecéronse hai dous anos no Camiño Portugués e decidiron volver contactar con ela para organizar esta nova experiencia, buscando algo diferente e menos concorrido que o popular Camiño Francés, neste caso no Camiño Norte.
