O Foro Social da Mariña organiza o mércores en Foz a conferencia–coloquio: “ Ucrânia, militarismo, imperios“ a cargo de Carlos Taibo Arias

A Mariña 24 de maio de 2025. O mércores, 28 de maio ás 20 horas na Salón Bahía de Foz, o Foro Social da Mariña organiza unha conferencia–coloquio titulada: “Ucrânia, militarismo , imperios“ a cargo de Carlos Taibo Arias, escritor e profesor xubilado da Universidade Autónoma de Madrid.

A guerra de Ucrânia ten revelado moitas das miserias do planeta contemporáneo. E entre elas a natureza belicista dos impérios, a condición sumisa da UE e o esquecemento permanente do sofrimento da xente común. Á condena do militarismo ruso compre agregar unha crítica radical do expansionismo occidental. E compre lembrar, en paralelo, un escenario marcado poderosamente polas crises social e ecolóxica.

A conferencia abordará esta escalada bélica e as súas consecuencias; a situación xeopolítica actual, o incremento do gasto en defensa, a política de rearme da UE, o escenario que o neoliberalismo está a crear en materia de “seguridade” e as súas repercusións no que atinxe a servizos públicos , dereitos sociais, liberdades, etc