Critica que non poidan acceder a subvencións, crear comunidades enerxéticas ou vender colectivamente os produtos derivados do monte
Santiago de Compostela, 30 de maio, 2025. A deputada do BNG e responsable de Montes, Montserrat Valcárcel, reclamou este venres na Comisión 7ª o recoñecemento legal da titularidade comunitaria dos 3.326 montes veciñais en man común que hai en Galiza como unha categoría xurídica propia, distinta e equiparable ás titularidades públicas e privadas para que poidan acceder a subvencións, crear comunidades enerxéticas ou vender colectivamente os produtos derivados do monte.
Valcárcel puxo en valor a historia, singularidade e función social e ecolóxica deste modelo de xestión, que implica, segundo os últimos datos do anuario de estatística forestal recollidos en 2019, a preto de medio millón de galegos e ocupa máis de 660.000 hectáreas, o que supón un terzo da superficie forestal privada de Galiza. “Trátase dunha forma de propiedade colectiva única, inalienable, imprescritible, indivisible e inembargable, que forma parte da nosa identidade territorial e que leva séculos garantido a sustentabilidade ambiental, a biodiversidade e a vida no rural”, salientou a deputada nacionalista.
Denunciou que lexislación estatal continúa descoñecendo esta realidade xurídica propia do País, ao aplicar criterios do dereito romano que non se axustan á natureza xermánica da lexislación destas propiedades, o que provoca situacións de inxustiza e múltiples limitacións legais e fiscais ás comunidades de montes.
Entre os problemas actuais que sinalou Valcárcel están a dificultade para acceder a subvencións, a imposibilidade de crear comunidades enerxéticas locais, ou as restricións para vender colectivamente os produtos do monte. “Resulta inaceptable que un modelo que demostrou sobradamente a súa eficacia social, económica e ambiental estea sendo penalizado pola falta de adecuación legal”, criticou.
A responsable de Montes do BNG argumentou que o abandono dos usos tradicionais leva á simplificación e homoxeneización da paisaxe rural, asociado á diminución da biodiversidade e o aumento do risco de incendios e por iso recalcou que a xestión comunitaria dos montes debe preservarse para garantir a saúde das terras.
A iniciativa presentada polo BNG reclamaba que se recoñeza expresamente a titularidade comunitaria como unha máis dentro da lexislación estatal, diferenciada das públicas e privadas e que se inclúan as comunidades de montes como beneficiarias plenas nas axudas e subvencións destinadas á posta en valor dos montes e á mellora da calidade de vida da veciñanza comuneira. O PP votou en contra.
“Defender os montes veciñais en man común é defender un modelo propio de ordenación do territorio, de economía local, de cultura e de biodiversidade”, concluíu.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
