Lourenzá, 30 de maio de 2025. En relación ao anuncio de folga por parte das traballadoras do Servizo de Axuda no Fogar (SAF), o equipo de goberno do Concello de Lourenzá está a traballar para elaborar o plan de pagos dos atrasos correspondentes aos anos 2022 e 2023 que están pendentes de abonarlles aos empregados municipais.
“O Concello sempre tivo boa vontade. Sempre defendemos o dereito dos traballadores a percibir ditos atrasos motivados polas diferenzas entre os salarios que estaban a cobrar e os resultantes da Relación de Postos de Traballo (RPT) aprobada no ano 2022. Proba desa boa vontade é que o ano pasado xa se procedeu ao pago de todos os atrasos correspondentes ao ano 2024 e actualmente, no 2025, todos os traballadores están percibindo o 100% do salario que lles corresponde segundo a Relación de Postos de Traballo. Dende o ano 2022 ata hoxe o Concello cumpriu parte do seu compromiso con respecto ao ano 2024 e 2025 e actualmente só están pendentes de pagar os atrasos do ano 2023 e de parte do 2022. Por parte do Concello a intención é clara, sempre escoitamos a todos/as traballadores/as e na medida do posible sempre se intentou dar solución ás súas demandas. E neste caso tamén porque estamos a traballar na elaboración dese plan de pagos, que entregaremos como data límite o 31 de decembro deste ano a tod@s os traballadores/as municipais e onde estarán establecidos os prazos nos que se espera que se fagan efectivos ditos atrasos”, explica o goberno municipal.
“Lamentamos, unha vez máis, a pésima actitude do Partido Popular, que sempre aproveita cada ocasión para crear polémica e sacar a parte negativa das cousas. Mentres uns traballamos e nos reunimos coas traballadoras encarando os problemas para intentar entre tod@s avanzar e buscar solucións, outros, como os concelleiros do PP, simplemente utilizan a situación para confrontar. Recordámoslles que foi este goberno do Partido Socialista o que elaborou e aprobou a Relación de Postos de Traballo no ano 2022, o que supuxo a actualización e a mellora das condicións e dos salarios do persoal municipal, e non un goberno do Partido Popular. Pero xa non sorprende porque é a súa liña habitual, a que están acostumados a seguir, sempre sacando a parte negativa das cousas e non aportando nunca nada positivo; a política da foto e da propaganda. Pero non se alegren pola folga antes de tempo, señores concelleiros do PP, porque, mal que lles pese, agardamos entre todos, Concello e traballadores, non ter que chegar a esa situación. Non aplaudan antes de tempo, non o dean por feito”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
