A Mariña, sábado 31 de maio. Na mañá de hoxe o BNG analizou en Foz a situación do acceso á vivenda, tanto na comarca coma no conxunto do país. A crise de accesibilidade á mesma afecta aos sectores da poboación máis empobrecidos e sen posibilidade de acceso á vivenda mediante o réxime de tenencia en propiedade que non teñen máis opción que pagar prezos abusivos e nin siquera para os máis vulnerables existe a alternativa dun parque público a prezos accesibles.
Toda esta problemática e as posibles solucións foron estudiadas nesta xornada na que participaron diferentes cargos institucionais coma a deputada Alexandra Fernández, responsable de Urbanismo e Vivenda no grupo parlamentario do BNG, o deputado Daniel Castro, a senadora Carme da Silva, a alcaldesa de Barreiros e vicepresidenta da Mancomunidade Ana Ermida, e participaron tamén Rubén Lois González, catedrático da USC no departamento de Xeografía así como María Xosé Piñeira Mantiñán, doutora en Xeografía e Historia pola USC.
A necesidade de impulsar un novo modelo de vivenda protexida
Para o BNG, ante a ausencia de vivenda pública é necesario impulsar un novo modelo de vivenda protexida que garanta a súa accesibilidade, ademáis de apostar decididamente por incrementar o patrimonio público de vivenda priorizando a adquisición e adecuación de vivenda, é dicir, aproveitando mellor o parque xa existente, en liña cos obxectivos de consumo cero de solo que a UE fixa para 2050.
Inacción da Xunta, paralizando toda vivenda protexida e negándose a limitar os pisos turísticos
O PP nunca tivo vocación de resolver dun xeito estutural os problemas en materia de vivenda ao longo dos 16 anos en que ostentou ata hoxe o goberno galego. As medidas que adoptou nese tempo foron encamiñadas á paralización de toda vivenda protexida e da vivenda pública, que poderían ser unha alternativa ante os prezos abusivos do mercado libre. A negativa a limitar os pisos turísticos, mesmo mantendo no seu rexistro centos de piso ilegais ou o bloqueo á declaración de zonas de mercado residencial tensionado impiden tamén a estabilización dos prezos de alugueiro. Neste sentido a senadora Carme da Silva denunciou o incumprimento da legalidade por parte da Xunta “que inscribe os pisos turísticos sen licenza municipal, porque non son vivendas de uso turístico, son pisos con usos hoteleiros” afirmou.
Competencias da Xunta e do Estado
Tanto a senadora Carme da Silva como a alcaldesa de Barreiros e vicepresidenta da Mancomunidade Ana Ermida referíronse á difícil situación dos concellos ante a problemática da vivenda, pois os concellos non tenen, medios nin recursos nin competencias para afrontar esta situación e é a Xunta quen está obrigada a colaborar cos concellos, non puenteándoos e incluso saltándose a legalidade coma no caso do rexistro dos pisos turísticos. Incidiron tamén na necesidade de actuar por parte de quen tén competencias: o Estado a nivel de ordenación xeral da economía e principalmente e especialmente a Xunta con totais competencias e Vivenda e Ordenación do Territorio.
A Xunta debe actuar de inmediato, coa participación dos concellos
Desde o BNG instan á Xunta de Galiza e ao Partido Popular a actuar ante este grave problema e para eso deben proceder xa a elabora un estudo da situación da vivenda na Mariña coa participación dos concellos analizando as necesidades reais na comarca porque “cada comarca é distinta, non é o mesmo por exemplo A Mariña ca unha comarca de Pontevedra ou unha área metropolinatana” concluíu Ana Ermida.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
