A actuación ascende a máis de 55.000 euros, dos que o 70% é subvencionado con abeiro á orde publicada pola Consellería de Presidencia da Xunta
Barreiros, 3 de xuño de 2025. O Concello de Barreiros vén de lograr a concesión dunha subvención de 39.165,15€ para a rehabilitación interior das Escolas de Vilamartín Pequeno. O orzamento total da obra ascenderá a 55.950,23 euros, dos que o Concello aportará a parte non subvencionada, que supón 16.785,08 euros.
A alcaldesa, Ana Ermida, reuniuse na tarde de onte, acompañada polo equipo de goberno, con representantes da Asociación de Veciños da parroquia para explicarlles o investimento que se realizará e os prazos que se manexan. A rexedora compartiu a alegría da veciñanza por poder levar a cabo este investimento, “xa que se trata dunhas obras moi demandadas polas persoas da parroquia, porque é o único lugar no que estaban a utilizar un inmoble que non se reformara en absoluto desde a súa construción na década dos 60”.
Nos últimos anos, a vida dese inmoble vai incrementándose, xa que acolle as actividades da propia Asociación veciñal e as realizadas polo Concello, como a visita dos Reis Magos, contacontos, espectáculos de maxia, música ou mesmo reunións municipais, explica Ana Ermida, “polo que é fundamental adaptar o espazo para que sexa moderno e inclusivo e permita a súa utilización por toda a poboación e en condicións actuais”.
As obras incluirán a dotación dun espazo de acceso con zona de almacenamento e un baño adaptado a persoas con mobilidade reducida, que substituirá aos existentes dos anos 60. Tamén se realizará a adecuación do espazo para unha sala multiusos que permita seguir dotando de vida estes locais que tamén serven como punto de reunión da veciñanza. O prazo para a execución abarca ata o mes de outubro.
Ana Ermida lembra que “para este goberno municipal sempre foi unha prioridade recuperar os edificios existentes para convertelos en verdadeiros locais sociais e de reunións veciñais. Tamén crear zonas de ocio vinculadas a estes, como xa se fixo no seu momento coa área de descanso que se habilitou a carón destas escolas”.
A alcaldesa agradeceu “á Asociación e a toda a veciñanza o esforzo realizado ao longo dos anos por manter viva unha pequena parroquia rural e pola colaboración que sempre amosan para dinamizar a súa veciñanza, coa participación nas actividades que se organizan desde o Concello”.
Ermida tamén anunciou que contan cun proxecto para o seu arranxo exterior, por un importe de máis de 34.000€, para o que se denegou unha axuda que se solicitara á Xunta; pero co que continúan traballando para lograr financiación e poder mellorar tanto os peches como a zona de uso exterior.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
