A Praia das Catedrais elixida como unha das praias máis orixinais e secretas de Europa, segundo Jetcost

Na selección, realizada polos usuarios de Jetcost, destacan cinco españolas: Cala Macarella, en Menorca, Illas Baleares, Praia de Calahonda, en Málaga, Andalucía, Cala do Moraig, en Alacante, Comunidade Valenciana e Praia de Papagaio, en Lanzarote, Illas Canarias, foron as outras elixidas do estado

A Mariña, 9 de xuño, 2025. Os famosos destinos de praia europeos ofrecen sol e mar, ademais de lugares históricos e unha gastronomía exquisita. Moitas praias europeas esténdense ao redor das brillantes augas mediterráneas con espectaculares cantís como pano de fondo. Hai tesouros de area suave, covas mariñas e bares escondidos para explorar. Os usuarios o potente buscador de voos e hoteis www.jetcost.es seleccionaron as 14 praias máis orixinais e secretas de Europa e a Praia das Catedrais, en Lugo, é unha delas.

Praia das Catedrais, Ribadeo

A praia das Catedrais, declarada Monumento Natural, é unha das máis famosas de toda Galicia e España. O máis peculiar son as súas formacións rochosas creadas polo vento e a auga, que levaron a crear curiosas formas. Cando baixa a marea é posible descalzarse e camiñar baixo covas e descubrir arcos dentro doutros arcos. A visita con marea alta pode facerse desde o alto do cantil, gardando a debida distancia de seguridade. Aínda que a entrada é gratuíta, para evitar aglomeracións, é necesaria a reserva de entrada nos meses de xullo, agosto e setembro. A pesar dos condicionantes que nos impón o fluxo das mareas, durante os períodos próximos á baixamar, ademais de contemplar as fantásticas formacións creadas pola natureza, tamén se pode gozar da praia para tomar o sol ou darse un baño, sendo un lugar ideal para o goce dos nenos, xa que ao baixar a marea, xunto ás rocas, fórmanse multitude de pequenas pozas de auga cristalina que se amornan cando lles dá o sol.