O canteirán non seguirá na escuadra mariñá logo de dúas tempadas nas que contribuíu ao ascenso a Primeira do pasado curso
Burela, 13 de xuño, 2025. O canteirán Jorge Quelle non continuará o seu camiño no Burela despois de dúas intensas campañas nas que destacou a súa colaboración o pasado curso para lograr o ascenso a Primeira División. O á zurdo non dispuxo de tantas oportunidades este curso, onde participou en 25 encontros e non puido estrear a súa conta goleadora. O club agradécelle a Quelle os servizos prestados estas dúas tempadas, a súa máxima predisposición e compromiso, á vez que tamén lle desexa a maior das sortes e éxitos nos proxectos deportivos e vitais que afronte no futuro, deixándolle, por suposto, sempre a porta aberta para unha hipotética nova volta á disciplina laranxa.
Jorge Quelle (Burela, 2003) regresou a casa no verán de 2023 despois de pasar dous cursos no filial do Real Betis, en Segunda División. Para terras hispalenses decidira marchar en 2021 aínda en idade xuvenil e coa intención de compatibilizar o fútbol sala cos seus estudos universitarios, logo de completar o paso por todas as categorías inferiores da entidade burelista.
Despois de dúas tempadas coñecendo a fondo a categoría, regresaba á súa localidade de nacemento para poñerse ao servizo do club no que se criou e ofrecer a calidade da súa perna zurda, o seu gran dominio dos espazos, a súa calidade de pase e o seu bo xogo sen balón, tanto ofensiva como defensivamente. Na primeira tempada colaboraba no ascenso de categoría de fará este domingo un ano. Esta tempada non tivo demasiadas oportunidades, pero si se arremangó sempre que estivo na pista para tentar axudar na loita pola permanencia.
Jorge Quelle enviou unha mensaxe de despedida na que se lembrou de todos os estamentos do club:
“Estou moi agradecido non só por estes anos que estiven no primeiro equipo, senón por toda a formación que me deron e todos os adestradores de base que me adestraron. Foi un luxo que me acompañaran e me educaran, tanto profesionalmente para o fútbol sala como persoalmente, porque aprendín moitos valores na base. Grazas a todos eles puiden lograr o soño que sempre tiven, que obviamente cando eres pequeno sempre soñas con chegar ao primeiro equipo e puiden conseguilo. Moi agradecido ao club por toda a formación que me deron e pola oportunidade de chegar ata o primeiro equipo.
Destes dous anos dicir que fun moi feliz, que me alegro moito de tomar a decisión de volver no seu momento e que o ano pasado foi espectacular. Vivín a mellor experiencia deportiva que tiven nunca, que foi o ascenso na casa. Iso é un recordo imborrable xa. Só polo que desfrutei ese día, por como vin o pavillón, por todos os recordos que me trouxo de cando era pequeno e ía ver os partidos do primeiro equipo, xa mereceu a pena volver, aínda que só fora por ese día”.
Esta mensaxe tamén leva palabras de alento no tocante ao futuro do club:
“Tamén lle estou moi agradecido á toda directiva por volver a confiar en min para volver estar aquí. Agora a situación deuse así, foron estas as circunstancias e volvo marchar, pero obviamente sempre serei un afeccionado do Burela FS e desexo que lle vaia o mellor posible. Estou seguro de que dunha forma ou doutra volverémonos atopar, porque así tamén o desexo, xa que non deixa de ser a miña casa estea onde estea. Oxalá que teñamos Burela FS para moitos anos porque sería unha pena deixar de que acabase isto tan bonito. Toda a forza do mundo, oxalá saia todo adiante e agradecerlle á afección todo o apoio que nos deron, que me sentín moi, moi querido e que espero que eles tamén garden un bo recordo meu, sobre todo como persoa, máis que como xogador. Eu tamén son un afeccionado do Burela FS e actuei como a min me gustaría que actuasen os xogadores do meu equipo e vounos levar sempre comigo. Moi agradecido por todo e oxalá teñamos Burela FS para rato porque é un luxo poder contar con isto no noso pobo e temos unha tradición de moitos anos que non se pode perder por nada do mundo.
Unha aperta e sempre vos levarei no meu corazón!!!”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
