A Mariña, 16 de xuño de 2025. A praia é o ecosistema natural de numerosas especies vexetais e animais. Agora que comeza a temporada estival e son moitas as persoas que se achegan a desfrutar das costas da Mariña Lucense é o momento perfecto para lembrar a necesidade de conciliar o uso recreativo das praias coa funcionalidade que cumpren como ecosistemas naturais e hábitat de moitas especies.
As praias da Mariña Lucense son lugares cheos de vida animal e vexetal que cómpre protexer para garantir a súa conservación. É tamén o caso das praias con sistema dunar, hábitat principal da píllara das dunas (Charadrius alexandrinus) un ave que en todo o litoral cantábrico español só ten presenza en Galicia, estando estritamente protexida mediante un plan específico de conservación.
Co obxectivo de informar e sensibilizar ás persoas usuarias das praias da importancia de respectar estes espazos, a Mancomunidade de Concellos da Mariña Lucense vén de publicar o Decálogo de boas prácticas para usuarios das praias da Mariña Lucense, un documento sinxelo e práctico no que se explican as claves para coidar as nosas praias, como lugar común de lecer e como hábitat das especies que habitan nas costas.
Na Mariña Lucense existen áreas prioritarias de conservación da píllara das dunas nos municipios de Barreiros e Foz (praias de Altar, A Pampillosa e A Rapadoira), aínda que calquera areal con sistema dunar é un potencial hábitat para esta especie. Nestes lugares estas aves aproveitan para nidificar, directamente sobre a area, e atopan alimento, tanto en época de reprodución como durante os pasos migratorios e a invernada.
Cuns sinxelos consellos pódese axudar a conservar as praias como espazos de biodiversidade animal e vexetal, garantindo o equilibrio do ecosistema. “Así desde a Mancomunidade tratamos de sensibilizar á poboación do valor do patrimonio natural do territorio, un espazo único vital para as persoas que o habitan e para aquelas que chegan a visitarnos atraídas por esta riqueza. Ademais, coidar das nosas praias é tamén coidar de nós mesmos, xa que estas son espazos de lecer abertos nos que todas as persoas poden gozar, e é responsabilidade de todos e todas garantir a súa conservación e o seu legado ás vindeiras xeracións”, explicou Ana Ermida, vicepresidenta da Mancomunidade de Concellos da Mariña.
Decálogo
1. A praia é un ecosistema natural do que dependen numerosas especies para a súa supervivencia; como usuarios debemos asumir que é un ámbito sensible e que é a nosa responsabilidade contribuír á súa conservación.
2. Usa sempre pasos sinalizados ou acondicionados para acceder á praia, evitando abrir novos camiños, en especial a través de zonas de vexetación dunar.
3. Presta atención aos carteis informativos existentes nos accesos ás praias e segue as súas instrucións.
4. Evita molestias ás aves. É moi importante para a súa supervivencia e reprodución.
5. As plantas que crecen sobre a area da praia son sumamente fráxiles. Evita pisar a vexetación dunar.
6. Non deixes lixo na praia. Mesmo os refugallos orgánicos poden atraer depredadores.
7. Non leves mascotas á praia; no caso de que a súa presenza estea permitida deben ir sempre atadas e deben estar sempre controladas.
8. Debemos ser escrupulosamente respectuosos cos cercados e medidas de protección para as aves e a vexetación; permanece afastado deles.
9. Se atopas un niño de píllara das dunas avisa ás autoridades ambientais a través do 112.
10. Contribúe a difundir a mensaxe de conservación.
Este decálogo pódese atopar na web da Mancomunidade de Concellos da Mariña nas seccións de espazos naturais, praias e ornitoloxía.
Foro natureWatch
O decálogo foi elaborado no marco das accións de conservación desenvolvidas durante o Encontro de Turismo de Observación da Natureza natureWatch A Mariña Lucense, celebrado o pasado mes de marzo en Barreiros. Este evento, que congregou a participantes chegados de toda España, ten como obxectivo contribuír de forma ordenada ao impulso do turismo de observación da natureza, promovendo as bases sobre as que construír a súa regulación, o emprendemento e o desenvolvemento sostible dos espazos naturais.
A través de relatorios, coloquios e mesas redondas abordáronse experiencias de ecoturismo en diferentes destinos, con temas tan interesantes como a xestión en espazos naturais, a gastronomía responsable, as prácticas de xeoturismo e turismo ornitolóxico e o valor dos espazos naturais e das especies.
O encontro foi promovido pola Mancomunidade de Concellos de A Mariña Lucense no contexto do Plan de Sostibilidade Turística na Mariña Lucense 2022-2024, cofinanciado pola propia Mancomunidade, a Xunta de Galicia e a Secretaría de Estado de Turismo. A organización corre a cargo da empresa especializada Daboecia Arte y Naturaleza en colaboración con El Ecoturista. Ademais, nesta edición contou coa colaboración especial de RURALtXA! un proxecto que impulsa a bioeconomía no mundo rural e que conta co apoio da Fundación Biodiversidad do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación y Resiliencia (PRTR), financiado pola Unión Europea-NextGenerationEU.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
