Cándido Paleo Rejes asumirá a Primeira Tenencia de Alcaldía e Alejandro Carballeira incorporarase á corporación municipal como novo edil socialista
Alfoz, 20 de xuño de 2025. O Concello de Alfoz celebrou esta mañá un pleno extraordinario para dar conta do falecemento do concelleiro socialista Jorge Val, que exercía como Primeiro Tenente de Alcaldesa e delegado das áreas de Servizos e Infraestruturas. O edil faleceu o pasado 11 de xuño, deixando un fondo baleiro tanto no Partido Socialista, coma no goberno local e no conxunto da veciñanza.
Co obxectivo de garantir a continuidade e estabilidade do executivo municipal, o pleno desta mañá formalizou a súa substitución. Segundo o establecido, o concelleiro socialista Cándido Paleo Rejes, que ata agora dirixía a área de Medio Ambiente, asumirá a Primeira Tenencia de Alcaldía, así como a responsabilidade en Servizos e Infraestruturas e a representación da Mancomunidade de Concellos da Mariña. Ademais, o seguinte membro da candidatura socialista nas pasadas eleccións municipais, Alejandro Carballeira, incorporarase á corporación como novo concelleiro do PSdeG-PSOE, asumindo á área de Medio Ambiente.
O grupo municipal socialista no Concello de Alfoz queda conformado por Cándido Paleo, Alejandro Carballeira e Sonia Val, quen continúa á fronte da área de Cultura e tamén actúa como representante da Mancomunidade.
Desde o PSdeG-PSOE de Alfoz queren trasladar unha vez máis o seu fondo pesar pola perda do compañeiro, que destacou sempre polo seu compromiso co partido e pola súa entrega no día a día da xestión municipal.
A agrupación socialista continuará traballando con responsabilidade desde o goberno local, en colaboración co grupo de Veciños Independentes por Alfoz (Via), para seguir impulsando melloras nos servizos públicos e no benestar da veciñanza.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
