A actuación, recentemente adxudicada, permitirá solucionar os problemas detectados en 2024, garantindo un abastecemento seguro e de calidade
Cariño, 21 de xuño, 2025. O Concello de Cariño continúa dando pasos firmes para mellorar a calidade da auga e a seguridade do abastecemento no municipio coa próxima instalación dun filtro específico para a eliminación do níquel na Estación de Tratamento de Auga Potable (ETAP) de O Castro. Con esta actuación, recentemente adxudicada, espérase poñer solución aos problemas detectados no pasado 2024.
Nos últimos meses xa se levaron a cabo diversas melloras neste ámbito, entre elas a instalación de dispositivos de telecontrol nos depósitos de auga potable co obxectivo de detectar de forma máis rápida e eficaz calquera incidencia na subministración.
Estas actuacións responden os problemas rexistrados en 2024, cando se produciron ata tres episodios de superación do límite permitido de níquel, o que obrigou a declarar a auga non apta para o consumo nin para cociñar durante case tres meses. Trátase, por tanto, dun avance fundamental para protexer a saúde pública e previr situacións similares no futuro.
A ETAP de Castro, que abastece ás parroquias de Cariño e A Pedra, non contaba ata o de agora cun sistema específico de eliminación de níquel, o que deixaba o abastecemento exposto ás variacións deste contaminante, algo que se solucionará con este novo filtro que se instalará nas próximas semanas.
A actuación súmase a outras xa realizadas o pasado ano, no marco do convenio asinado en 2024 coa Xunta de Galicia, que permitiu a renovación dos catro filtros existentes na ETAP de O Castro. Con esta nova intervención, adxudicada á empresa Enxeñería Mediterránea da auga S.L. por un importe de 19.691,54 euros, o Concello reforza o seu compromiso cos veciños e veciñas para evitar que se repitan situacións similares.
Esta medida forma parte do compromiso firme do Concello de Cariño de garantir unha subministración de auga segura, continuo e de calidade para toda a poboación. Coa incorporación deste novo filtro e a mellora dos sistemas de control, refórzanse as capacidades de resposta #ante posibles contaminacións, algo que foi unha das prioridades do executivo liderado por Ana María López desde a súa chegada ao goberno municipal.
“Desde el primer momento, tuvimos claro que la seguridad del agua debía ser una prioridad absoluta”, sinala a alcaldesa Ana María López. Na mesma liña, a rexedora afirma que “queremos que la ciudadanía confíe plenamente en el agua que llega a sus casas, y estas actuaciones son un paso fundamental para lograrlo”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
