Viveiro, 21 de xuño, 2025. O antigo Colexio “Antonio Pedrosa Latas” é propiedade da Tesourería Xeral da Seguridade Social.
O solar onde se ergue o edificio fora propiedade a partes iguais da Cofradía de Pescadores de Celeiro e da Unión de Fabricantes de Conserva, que o cederon para a construción do grupo escolar e de vivendas sociais aló polo ano 1946. Foi inaugurado no ano 1955 e permaneceu en activo ata o ano 1998, cando toda a actividade lectiva pasou finalmente ao novo colexio. Dende aquela a xestión do espazo é municipal, cedendo varios dos locais para o distinto tecido asociativo de Celeiro. A falta de atención e mantemento foi deteriorando paulatinamente este centro.
No ano 2019 chegouse a un acordo entre Concello, Xunta e Deputación para que a Escola Oficial de Idiomas fora trasladada a este centro, previa rehabilitación. A incapaz xestión do PSOE na Alcaldía de Viveiro e a pesar de contar cun goberno amigo no Goberno do Estado, impediu a cesión gratuíta do inmoble para tal fin, dado que o Estado, pediu a cantidade de 700.000€ pola cesión do edificio. Iso foi o que nos contaron. Despois disto a residencia de Aspanane marchou a Xove.
No ano 2021 o Parlamento Galego acorda por unanimidade solicitar a cesión gratuíta do ben ao Concello, pero a Seguridade Social gobernada polo PSOE denegou a cesión tanto á Xunta de Galicia coma ao Concello de Viveiro.
Para sorpresa de todos, o 3 de decembro de 2024 a Tesourería Xeral da Seguridade Social, lanza a poxa pública do edificio por un prezo de 403.509 euros. Prezo curiosamente moi inferior ao anunciado polo anterior goberno local como prezo de venta. Figurando dita poxa conforme ás informacións públicas, como deserta.
Celeiro e Viveiro por extensión necesita espazos para o tecido asociativo social, cultural, deportivo e veciñal. Este edificio conta con amplos espazos e locais e un gran patio.
Por todo o exposto anteriormente, o Grupo Municipal de POR VIVEIRO traslada a seguinte proposta de acordo para a súa aprobación en pleno:
1. Solicitar á Tesourería Xeral da Seguridade Social e ao goberno do Estado a cesión gratuíta do edificio do antigo Colexio Pedrosa Latas de Celeiro ao Concello de Viveiro.
2 Trasladar o acordo ao goberno da Xunta de Galicia e aos distintos grupos políticos do Parlamento Galego para o seu coñecemento e impulso da cesión.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
