Ribadeo, 21 de xuño de 2025. O Centro Integrado de Formación Profesional (CIFP) Porta da Auga, de Ribadeo, é o único centro da Mariña que ofrece a nova formación acelerada para o 2025-26. Ademais mantén toda a oferta que tivo no curso pasado.
O director do centro, Isidro Berdeal, anuncia que “de cara ao vindeiro curso 2025-2026 o CIFP Porta da Auga conta como novidade coa formación acelerada en preparación, protección e embelecemento de superficies de carrozarías”.
Berdeal explica tamén que no Porta da Auga contan ademais con “dúas liñas de ciclos básicos de Formación Profesional, concretamente a de mantemento de vehículos e a de servizos administrativos. E na oferta de ciclos medios temos o de xestión administrativa, tanto en modalidade presencial en horario de mañá como en modalidade a distancia; o de electromecánica de vehículos, en horario de mañá; o de atención a persoas en situación de dependencia, tamén en horario de mañá; o ciclo medio de dual en modalidade intensiva de instalacións eléctricas e automáticas, en horario de mañá; e o de obras de interior, decoración e rehabilitación en oferta modular, en horario de tarde”.
En canto aos ciclos superiores, o director do Porta da Auga comenta que ofrecen “o de administración e finanzas; o ciclo superior de asistencia á dirección, en modalidade a distancia; o de automoción, tanto en horario de mañá en modalidade ordinaria como en horario de tarde en modalidade dual intensiva; o ciclo superior de educación infantil e o de animación sociocultural e turística, en horario de mañá; e o de sistemas electrotécnicos e automatizados, en oferta modular en horario de tarde”.
Isidro Berdeal engade que tamén volverán ofrecer “o curso de especialización de grao superior de mantemento e seguridade en sistemas de vehículos híbridos e eléctricos, en horario de tarde”.
Para rematar o director do Porta da Auga anuncia que xa está aberto o período de presentación de solicitudes de admisión para o vindeiro curso 2025-2026, prazo que remata o día 2 de xullo ás 13 horas.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
