CERVO .- O alcalde de Cervo, Alfonso Villares, asistirá o venres a unha reunión no concello asturiano de Santa Eulalia de Oscos para iniciar os traballos para conmemorar o bicentenario do pasamento de Raimundo Ibañez, Marqués de Sargadelos (1749-1809).
A esta xuntanza (que vai ter lugar ás 14.00 horas) ademais de Villares e do alcalde anfitrión (Antonio Riveras) tamén ten previsto asistir Fernando Suárez, alcalde de Ribadeo. Segundo indicou o alcalde cervense a idea de promover unha conmemoración conxunta entre os tres concellos ao longo do vindeiro ano 2009 xurdiu dende Santa Eulalia de Oscos. “Puxéronse en contacto con nós a mediados deste mes e pareceunos unha idea interesante a de unir esforzos para celebrar este bicentenario cunha serie de actos que contribúan a resaltar a figura de Ibañez e revisar a súa importancia histórica” indicou.
A intención dos tres concellos é a de organizar e programar seminarios e actividades culturais para celebrar este bicentenario “coa dignidade que merece este acontecemento”. Para elo teñen pensado implicar a institucións coma a Armada, a Deputación de Lugo, a Xunta de Galicia e o Principado de Asturias para que colaboren nos actos a desenvolver ao longo do vindeiro ano 2009.
Segundo adiantou o alcalde de Cervo, a reunión de mañá será unha primeira toma de contacto para empezar a traballar có ánimo de poder constituír unha comisión organizadora deste bicentenario, cuxo obxectivo será dar a coñecer a importancia que tivo o Marqués de Sargadelos na historia de Galicia, de Asturias e de España. “É máis que evidente a importancia que tivo Ibañez. Hai que lembrar que as Reais Fundicións de Sargadelos foron durante anos as provedoras preferentes do material bélico para a Armada de Carlos IV e que tamén desbordou o seu talento empresarial noutros ámbitos de negocio coma o da fábrica de louza, e cuxo espírito aínda pervive en Sargadelos” salientou Villares.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
