Ribadeo, 24 de xuño de 2025. Ribadeo coloca cubrecontedores de material reciclado, que requirirán de pouca conservación. Xa se poden ver en Rinlo, que tamén conta cun traballador municipal encargado do servizo de limpeza viaria nesta turística vila.
O alcalde, Dani Vega, contou que “seguimos investindo e mellorando os espazos onde se colocan os contedores. Se empezábamos todo un traballo por todas as parroquias, facendo esas bases de formigón e de pedra vista, agora tamén quixemos mellorar todos os espazos de Rinlo. Así nolo pedía a asociación de veciños. Polo tanto, colocamos cubrecontedores en dous espazos onde non estaban realmente moi ben, que é na entrada de Rinlo, ao lado da Praza de San Pedro, e tamén na zona portuaria. Fixemos dúas bases de formigón, puxemos pedra e agora colocamos dous cubrecontedores de material reciclado, é dicir apostamos polo medio ambiente, pero tamén por material que teña unha nula conservación. Ese material de plástico duro, material reciclado convértese nun cubrecontedor que non vai ter apenas conservación. Esta demanda da asociación de veciños de ter os espazos cada vez mellor, máis limpos, máis conservados, e tamén coidando a estética, pois estámolo a facer en Rinlo e en moitos areais, como pode ser a praia das Catedrais, e vamos colocalos nos Castros e así pouquiño a pouco”.
O rexedor subliñou que “tamén en Rinlo quixemos ter un servizo de limpeza propio e único para este enclave. É un traballo que é moi importante o de ter os espazos limpos, ter as rúas limpas nunha vila mariñeira e turística como é Rinlo, onde tamén se concentra un número moi importante de persoas e onde hai moita restauración moi xunta. Eu creo que é importante ter Rinlo ben coidado con esa mensaxe de que coidamos o entorno, tamén o patrimonio, os espazos verdes. Polo tanto esa persoa, ese traballador municipal estará permanentemente en Rinlo. Xa leva practicamente un mes e así vamos a seguir coidando todos os espazos e intentar ter o mellor posible todos os entornos”.
Vega considera que “na limpeza, evidentemente, o Concello ten que facer moito, pero tamén é cousa de todos. Pedimos responsabilidade e pedimos que se pense en que, cando se vai a un contedor, hai unhas horas por exemplo a partir das 8 da tarde para botar o lixo, de coidar os entornos… Eu creo que é importante que teñamos conciencia de coidar, conservar e limpar todos os entornos e tamén por parte do Concello facer todo o posible para que así se faga”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
