Deste total, a maioría serán na área sanitaria de Vigo, a máis prexudicada polos recortes da Consellaría de Sanidade
Compostela, 24 de xuño, 2025 A Federación de Sanidade de CCOO de Galicia denuncia que 2364 persoas deixarán de ingresar nos hospitais galegos entre xuño e setembro deste ano debido á decisión do Sergas de pechar camas este verán. Esta medida non é unha cuestión técnica nin estacional, senón «unha decisión política que compromete a saúde da poboación», denuncia a secretaria de Organización da federación, María José Diéguez.
Desde o sindicato rexeitan as explicacións da Consellaría de Sanidade en defensa da medida, aludindo a unha menor demanda durante o verán. «Este argumento non se sostén, a demanda haina, aí están as listaxes de agarda», expón CCOO. Estes 2364 ingresos serán reprogramados a partir de outubro e, no caso de que non se cumpran os pazos en que debe atendelos a sanidade pública, o Sergas pódeos derivar a centros concertados.
As áreas máis afectadas por esta decisión política son, por orde de maior a menor: Vigo —que concentra a maioría—, A Coruña-Cee e Santiago-Barbanza; a seguir, Lugo, Pontevedra-O Salnés e Ferrol. A única área sanitaria que non prevé peches neste período é a de Ourense.
Máis listaxes de espera e colapso nas urxencias
A Federación de Sanidade de CCOO denuncia que a decisión política da Consellaría, xunto cunha falta de planificación, teñen como consecuencia o incremento das listaxes de espera e o «colapso» dos servizos de urxencias, onde se acumularán doentes «á espera dunha cama que non chega», censura María José Diéguez
E mentres no verán pechan camas, no inverno non abren os hospitais polas tardes. «Por que teima a Xunta en manter as consultas baleiras e en ter a súa tecnoloxía inoperativa nese tempo?», reflexiona a sindicalista. Ao tempo, subliña CCOO leva anos pedindo outro modelo de xestión e planificación para «aproveitar todas as capacidades» do sistema sanitario público.
«Non se pode falar de reordenación nin de xestión intelixente dos recursos cando toman decisións que deixan fóra do sistema máis de dúas mil persoas que teñen dereito a unha atención hospitalaria digna, e dentro do sistema público de saúde», asegura María José Diéguez. «A saúde non se pode suspender catro meses cada ano», conclúe a sindicalista.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
