Foz, 25 de xuño de 2025. O Concello de Foz continúa coa súa extensa programación cultural esta fin de semana, na que haberá música e teatro. Comeza este venres coa actuación do Combo de Jazz da Escola de Música Arcadio Mon, ás 19.00 horas nos xardíns do Paseo da Ribeira.
Ademais a concelleira de Cultura, Inés López Couto, anuncia que “chegou o momento de que se coñezan os gañadores do IV Certame de Teatro Afeccionado José Luis López Lorenzo – O Poto e animamos a que o público nos acompañe tamén xa que teremos a actuación de Isabel Risco. Será o sabado 28 ás 18.30 horas na Casa da Cultura. O sábado tamén se conmemora o Día do Orgullo, polo que todos os actos estarán impregnados da mensaxe clara do Concello de Foz de sentirse orgulloso de que o amor sexa libre coma as persoas e que ninguén sexa discriminado por ser o que decida. No ano no que se celebra o vinte aniversario da Lei do Matrimonio Igualitario non debemos retroceder en dereitos. E ás 20.00 horas ao lado da Escola de Música Arcadio Mon (Paseo da Ribeira), poderá desfrutarse do concerto do Combo Mplan da escola municipal”.
E o domingo 29 ás 19.30 horas na Casa da Cultura, Lino Rico presentará o seu novo proxecto Músicas con Alma, con Marga Gutiérrez e Lolo Castro. Será un concerto de músicas de sempre: de boleros, tangos, baladas, etcétera. “Un concerto organizado polo Concello de Foz coa colaboración de Eliseo Sixto”, explica Inés López, que engade: “un proxecto ben bonito no que Lino Rico presenta en Foz un concerto con músicas lendarias de moita mensaxe e moita pegada. Aquelas cancións de sempre, difíciles de interpretar e de executar como so poden facer voces privilexiadas. Voces como as de Marga Gutiérrez e Lolo Castro simplemente acompañadas polo piano do virtuoso Lino Rico. Sen música enlatada, nin artificios, nin modernidades, nin grandes escenarios, onde os artistas, ben cerquiña do público, interactúan co mesmo, creando un silencio musical que nos transporta a esas evasións e ese estatus que a música nos esperta”.
Ademais a parroquia de Cangas celebra ás súas festas de San Pedro e do Carme. As orquestras Kubo, Miramar e Magos, así coma o dúo Venus e djs amenizarán as mesmas dende o venres 27 e ata o domingo. O venres haberá sardiñada e festa pola noite. O sábado misa e sesión vermú con festa e o domingo tamén misa e sesión vermú acompañados pola Banda de Música de Foz.
O alcalde de Foz, Fran Cajoto, anima a achegarse a estes eventos para “desfrutar da mellor música feita por xente de aquí, do mellor teatro tratado con agarimo e das mellores festas”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
