“Esiximos que as axudas abrangan a tódalas produtoras e produtores afectados, a fin de non destruír tecido produtivo”
A Mariña, 27 de Xuño 2025. A Axencia Galega de Calidade Alimentaria (AGACAL), organismo dependente da Consellería do Medio Rural (CMR), vén de publicar a resolución pola que se convocan axudas ás explotacións agrícolas produtoras de faba da Mariña lucense.
“Pese ás reiteradas demandas do sector produtor, e mesmo de corporacións locais do territorio, a Consellería do Medio Rural teima no seu propósito de limitar as axudas ás explotacións que están inscritas no Consello regulador da IXP Faba de Lourenzá”, indican desde o SLG.
Como ten posto de manifesto o Sindicato Labrego Galego-Comisións Labregas (SLG-CCLL), a maior parte da produción non está amparada pola IXP, xa que, a día de hoxe, unicamente 19 explotacións están inscritas.
Como resulta evidente, as condicións climáticas adversas que sufriron as produtoras de faba no ano 2024 non fixeron distingos entre as granxas inscritas e non inscritas, senón que minguaron a produción na totalidade das mesmas, “polo que non é de recibo, nen xusto por claramente discriminatorio, que as axudas directas se dirixan exclusivamente ás 19 explotacións inscritas na IXP: o problema sufrírono todas as produtoras e produtores”.
Desde o SLG “imos analizar a resolución desde o punto de vista legal, porque entendemos que a inscrición na IXP non é requisito legal para as produtoras e polo tanto non debera ser criterio de exclusión de axudas públicas”.
“Contrariamente ao que se di na resolución, o que está en risco non é só a viabilidade da IXP Faba de Lourenzá, senón mesmo a viabilidade económica das familias que se adican a esta produción, e este debera ser o obxectivo destas axudas”.
Desde o SLG “reiteramos a nosas demandas de apoio ao conxunto do sector, porque entendemos que é necesario consolidar a produción actual, e sería un fracaso de difícil reparación que sigamos perdendo explotacións labregas produtoras de faba”.
“Entendemos tamén que é necesario afrontar traballos de investigación sobre os efectos das mudanzas climáticas no cultivo, con interlocución co persoal de sanidade vexetal”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
