A Deputada de Réxime Interior, Promoción do Territorio abriu o foro A profesión veterinaria: os retos de futuro organizado co xornal El Progreso coa finalidade de visibilizar o Campus Terra como motor de coñecemento e investigación na provincia
Lugo, 30 de xuño de 2025. A Deputada de Réxime Interior, Promoción do Territorio e Turismo, Pilar García Porto, abriu esta tarde o foro A profesión veterinaria: os retos de futuro, unha iniciativa impulsada pola Deputación de Lugo en colaboración co xornal El Progreso co obxectivo de visibilizar, apoiar e consolidar o papel do Campus Terra da Universidade de Santiago de Compostela como motor de coñecemento, innovación e desenvolvemento para a provincia.
García Porto destacou que esta xornada forma parte dun ciclo máis amplo de encontros promovidos pola Deputación e El Progreso, nos que se aborda o papel das diferentes áreas de coñecemento do Campus Terra: “Un campus que é xa un referente no ámbito da veterinaria, da enxeñaría agrícola e forestal, da biotecnoloxía ou da sustentabilidade, e que contribúe de forma decisiva a conectar a investigación coa realidade produtiva e social do rural galego”.
Puxo en valor, ademais, a colaboración constante entre a Deputación e a Universidade de Santiago de Compostela a través de proxectos como a Granxa Gayoso Castro, situada en Castro de Rei, “un auténtico laboratorio vivo onde o alumnado da Facultade de Veterinaria pode realizar prácticas en contacto directo con animais reais —vacas, cabalos— e en condicións que reproducen os escenarios do mundo profesional”. Adiantou que durante a xornada interviña tamén Sonia Verdes, directora da Granxa, “para afondar na importancia deste espazo como punto de encontro entre a formación académica, a transferencia de coñecemento e o sector agrogandeiro da provincia”.
Ademais, García Porto reivindicou o papel estratéxico da veterinaria na sociedade actual, destacando que “vai máis alá do coidado animal: é esencial para a saúde pública, para a seguridade alimentaria, para a prevención de enfermidades e para un desenvolvemento sostible con perspectiva ética e científica”.
Tamén salientou o papel que xoga a Deputación no apoio ao ensino superior: “Somos a Deputación que máis recursos destina á universidade pública en todo o Estado, e facémolo porque cremos que investir en formación e talento é investir no futuro desta provincia”.
Un panel de luxo con voces de referencia
A xornada contou coa participación destacada de Juan José Badiola, catedrático de Sanidade Animal da Universidade de Zaragoza. Badiola, unha das voces máis recoñecidas a nivel nacional no ámbito da sanidade animal, ofreceu unha conferencia centrada no papel da veterinaria na prevención e xestión de pandemias.
A continuación, desenvolveuse unha mesa de debate multidisciplinar na que participaron diversos expertos e profesionais do sector veterinario, que achegaron diferentes perspectivas arredor dos retos que afronta a profesión: desde a evolución da formación universitaria ata a incorporación das novas tecnoloxías, pasando polos desafíos do relevo xeracional no ámbito rural ou as demandas sociais en materia de benestar animal.
A mesa de debate contou coa participación de Noelia Mourazos, veterinaria do Servizo de Calidade do Leite da cooperativa galega Seragro; Juan Caínzos, director mundial de produto de GeneAdvance en ABS Global; e Maruska Suárez, profesora titular da Facultade de Veterinaria da USC e xefa do Servizo de Medicina Interna do Hospital Veterinario Universitario Rof Codina. Xunto a eles interviñeron tamén Elio López, fundador e CEO de Innogando, e Ana Tubío, directora da área de Agricultura e Pesca da Delegación do Goberno en Galicia. O peche da xornada correu a cargo do decano da Facultade de Veterinaria, Gonzalo Fernando Rodríguez.
O público estivo composto por estudantes e profesorado da Facultade de Veterinaria, representantes institucionais, membros de colexios profesionais, expertos do sector gandeiro e medios de comunicación, consolidando estes foros como espazos abertos e de alto nivel para a reflexión colectiva.
A Deputación coa USC
A xornada de hoxe forma parte dun ciclo que inclúe encontros previos sobre a enxeñaría agrícola e forestal, a innovación no rural e outros eidos estratéxicos do Campus Terra. A Deputación de Lugo e El Progreso impulsan esta iniciativa conxunta como parte dunha estratexia máis ampla para “recoñecer e proxectar o traballo que desenvolve a universidade pública dende Lugo para toda Galicia e para o conxunto da sociedade”.
A institución provincial reafirma así o seu compromiso co coñecemento, co territorio e co talento novo, apostando por modelos de colaboración estables que permiten que espazos como a Granxa Gayoso Castro ou a Facultade de Veterinaria sexan motores reais de transformación.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
