Castropol, 30 de xuño, 2025. A Rede Asturiana de Desenvolvemento Rural (READER) e o CEDER Oscos-Eo organizan a xornada “O deporte do remo como dinamizador social na Comarca Oscos-Eo”, que se celebrará o vindeiro venres 4 de xullo de 2025 ás 19:00 h, na Casa de Cultura de Castropol.
Esta xornada, celebrada con motivo do 25 aniversario de READER, ten como obxectivo promover o deporte do remo como unha ferramenta de integración social e desenvolvemento comunitario na nosa comarca. Un deporte que na comarca é practicado independentemente da idade e do sexo, así como por persoas con discapacidades, promovendo a integración e a participación no deporte.
Contarase coa participación de destacados deportistas que compartirán as súas experiencias acerca de como a práctica do remo na súa mocidade influíu na súa vida adulta e na súa traxectoria profesional. Así mesmo, búscase resaltar a relevancia de crear comunidade e fortalecer os lazos sociais a través da práctica deportiva.
Aproveitando a ocasión presentaranse os vídeos turísticos de Castropol e Vegadeo, financiados polo Plan de Sustentabilidade Turística da Comarca Oscos-Eo.
O xerente de READER actuará de moderador do coloquio e ademais asistirán a Directora Xeral de Deportes do Principado de Asturias, a Directora Xeral de Desenvolvemento Rural e Industrias Agrarias do Principado de Asturias, a Presidenta da Federación Asturiana de Remo, o Director de Zona da Caixa Rural de Asturias, o Alcalde de Castropol e o Presidente do CEDER Oscos-Eo.
É necesario inscrición previa ata o mércores 2 de xullo na seguinte ligazón: https://docs.google.com/forms/d/e/1FAIpQLSed1eDMbLFHX0JtmP75XItcrG_FoE19UpS6v78DTvyzdciWRA/viewform
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
