Marta Barreiro detallou amplamente o que son os novos retos desta iniciativa, dotada con 114M€ e impulsada polo Goberno galego para preservar e recuperar os ecosistemas mariños, garantindo a sostibilidade da actividade pesqueira
Santiago de Compostela, 1 de xullo de 2025. A secretaria xeral técnica da Consellería do Mar, Marta Barreiro, deu conta este martes no Parlamento de Galicia do desenvolvemento da Estratexia da Economía Azul de Galicia, dotada con 114 millóns de euros, e destinada á conservación, protección e recuperación da biodiversidade do literal, co fin de garantir a sustentabilidade das actividades marítimas, asegurando a soberanía alimentaria e o relevo xeracional.
Marta Barreiro, que compareceu na Comisión Oitava a petición propia, destacou a posta en marcha de fitos clave no marco desta iniciativa. É o caso da Oficina Técnica, que xa funciona no Centro Tecnolóxico do Mar (Cetmar), e que, a través do Consello Reitor, é o órgano encargado da coordinación da gobernanza da Estratexia. Intégrano diferentes Consellerías da Xunta de Galicia, a través de máis de 20 entidades, ademais dos 11 sectores da economía azul: pesca e marisqueo, acuicultura, construción naval, transformación dos produtos do mar, portos e loxística, patrimonio cultura, enerxías renovables, biotecnoloxía, tecnoloxías mariñas e I+D+I.
A esta importante acción, engádese a próxima constitución da Rede Galega de Economía Azul, un clúster transversal que reunirá a empresas, centros tecnolóxicos e entidades locais. Tamén a Rede de Centros de Formación en Economía Azul, un proxecto pioneiro en colaboración coas universidades galegas e cos institutos marítimo-pesqueiros, e o desenvolvemento do xemelgo dixital mariño de Galicia, unha ferramenta de referencia europea para a planificación intelixente dos espazos mariños. Ademais, destacou a organización do I Foro Internacional da Economía Azul de Galicia, que se celebrará o vindeiro mes de novembro, en Baiona; ou o Plan Estratéxico de Observación Mariña Galicia, destinado a mellorar a observación e seguimento dos datos oceanográficos, de temperatura, salinidade para xestionar os recursos mariños.
Unha folla de ruta que aumenta a ambición dos obxectivos comprometidos coa Unión Europea, especialmente no marco do Fondo Europeo Marítimo, de Pesca e de Acuicultura (FEMPA), que permitiu a posta en marcha da rede de oficinas Es.MAR para o desenvolvemento sostible e a competitividade do sector. Neste marco, resaltou tamén o Plan de Cultura Marítima de Galicia (Pcuma), documento pioneiro, no que os Grupos de Acción Local do Sector Pesqueiro (GALP) tiveron unha participación activa. Tal é así que, no período 2023-2024, aprobáronse 84 proxectos por valor de preto de 4,5 millóns de euros vinculados ao Pcuma.
Neste marco colaborativo, citou tamén a creación dun Centro Galego da Cociña Atlántica e a aposta pola investigación e a innovación como mecanismo para unha mellor ordenación das políticas do mar, ademais do labor que desenvolven os distintos centros de investigación dependentes da Consellería do Mar. Un traballo que estendeu ao sector e que fixo posible que se siga desenvolvendo o Plan de Competitividade e Sostibilidade do Marisqueo 2024-2025, dotado con 123 millóns de euros.
A Estratexia, ao detalle
A secretaria xeral técnica explicou que esta estratexia xorde da experiencia e do diálogo, ao ser construída con máis de 200 axentes do sector produtivo galego, pertencentes ao tecido empresarial, á ciencia, á sociedade civil e ás administracións. O resultado é un plan de acción concreto, con 40 medidas distribuídas en seis grandes eixos e un orzamento xa comprometido de 114 millóns de euros ata 2027. Así, destínanse a cooperación intersectorial 38 millóns de euros, a innovación e transferencia de coñecemento 11,5 millóns, a competitividade empresarial 28,6 millóns, patrimonio mariño e identidade costeira 20,5 millóns, talento, formación e emprego 8 millóns e información, comunicación e gobernanza dixital 7,9 millóns de euros.
Na súa execución óptase por un sistema de gobernanza e xestión, formado por un Consello Reitor como órgano de goberno que revise e determine as prioridades, execución e avaliación; un Comité Consultivo, que asesore ao devandito Consello; e un Consello Xestor, como ente operativo, sendo o responsable do desenvolvemento da estratexia, coordinación do plan de traballo e monitorización da estratexia para prover ao Consello Reitor de información e propostas para a avaliación.
Esta iniciativa permitirá a Galicia ser referente internacional do crecemento azul sustentable, creando emprego de calidade, asentado nos sectores tradicionais, pero tamén Impulsa un modelo baseado nos valores do futuro, apostando pola biotecnoloxía azul e a transición ecolóxica, sen esquecer a protección da biodiversidade e o uso sostible dos recursos mariños. Finalmente, pon no centro ás comunidades costeiras, a igualdade, a inclusión social e a cultura, garantindo que o seu desenvolvemento sexa socialmente xusto.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
