Os senadores do PP lucense advirten dunha “nova discriminación a Galicia” trala finalización da gratuidade nos servizos de cercanías de Renfe que non afectará a Asturias e Cantabria que se benefician doutras aportacións
A Mariña, 2 de xullo de 2025. O senador mariñán do Partido Popular, José Manuel Balseiro, explica que “o Goberno de Sánchez recoñece unha nova discriminación a Galicia”. Neste caso, “á provincia de Lugo, á Mariña lucense, e ás comarcas coruñesas de Ortegal e Ferrolterra”.
Ante a pregunta dos senadores lucenses –José Manuel Balseiro, José Manuel Barreiro e Juan Serrano- e ferroláns – José Manuel Rey Varela e Verónica Casal- sobre a razón pola que os usuarios do tren de ancho métrico (FEVE) en Asturias e Cantabria viaxan gratis e en Galicia (Ribadeo-Ferrol) teñen que pagar; “o Goberno de Sánchez confirma que nas primeiras Comunidades se benefician dende o 2023 dunha aportación económica para a gratuidade das cercanías ferroviarias, ata a entrega das novas unidades de trens pendentes, para compensar o erro na medición de trens que non caben polos túneles atrasando a súa construción e entrega.
O senador mariñán pregúntase cal é o criterio para esta diferenciación na mesma liña porque “mentres en Asturias e Cantabria viaxan gratis, en Galicia temos que pagar”. De feito, “o propio Goberno informa que o Real Decreto-ley mediante o que se prorrogaba a gratuidade dos títulos multiviaxe de Renfe para os servizos de Cercanías, Rodalies e Media Distancia estivo en vigor ata o 30 de xuño de 2025”.
Balseiro engade que “a gratuidade da que disfrutabamos os galegos, igual que en toda España, foi temporal. Os cántabros e asturianos xa disfrutaban da gratuidade dende o 2023 e agora continúan viaxando gratis, mentres que os galegos temos que pagar, incluso a pesar de dispoñer dun servizo deficiente e que protagoniza moitas incidencias”.
Hoxe un veciño de Ribadeo merca un billete para viaxar a Gijón ou a Ferrol e ten que pagar, “pero un veciño de Vegadeo -a 10km- compra un billete para viaxar aos mesmos sitios e non ten que pagar nada”.
O representante popular subliñou que “non estamos en contra de que noutras comunidades viaxen gratis. Todo o contrario”. Pero, defende tamén que “os galegos non queremos ser máis, pero tampouco queremos ser menos que ninguén”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
