As actuacións enmárcanse no Programa Rexurbe e os inmobles están emprazados nos conxuntos históricos destes concellos
Santiago de Compostela, 2 de xullo de 2025. A Xunta vén de licitar por preto de 8M€ (7.986.139€) as obras de rehabilitación de 13 edificios para crear 26 vivendas destinadas a alugueiro accesible nos cascos históricos de Ferrol, Lugo e Mondoñedo.
Estas actuacións enmárcanse no Programa Rexurbe da Xunta, co que a Administración está a adquirir inmobles en centros históricos para rehabilitalos con destino a alugueiro accesible.
Deste xeito, as vivendas rehabilitadas serán cualificadas como de promoción pública e pasarán a formar parte do parque de vivendas propiedade da Xunta e serán adxudicadas en réxime de alugueiro accesible recorrendo ás persoas inscritas no Rexistro de demandantes de vivenda de Galicia.
A licitación destes contratos divídese en catro lotes distintos e as empresas teñen de prazo ata o 12 de agosto para a presentación de ofertas. En conxunto, o obxectivo é habilitar un total de 26 vivendas, incluíndose a habilitación de 17 rochos e 3 locais.
O primeiro e o segundo lote correspóndense coa contratación das obras de rehabilitación integral de seis edificios no municipio de Ferrol.
Así, no primeiro inclúense tres edificios, un situado na rúa San Francisco 13 no que se habilitarán 2 vivendas públicas e 2 rochos. Tamén se impulsarán as obras de rehabilitación doutro edificio para 2 VPP, 2 rochos e 2 locais na rúa Mercé 22 – esquina rúa Carme Curuxeiras 36-38; e o terceiro inmoble está situado na rúa Dolores 28, barrio da Magdalena, onde se habilitarán outras 3 vivendas, 3 rochos e 1 local.
No segundo lote, tamén en Ferrol, inclúense a contratación das obras de rehabilitación en outros tres edificios, neste caso os situados na rúa Espartero, números 18, 46 e 59, respectivamente. No primeiro inmoble habilitaranse 3 VPP e 3 rochos, no segundo 2 VPP e no terceiro a obra incluirá 2 VPP e 2 rochos.
O terceiro lote corresponde a dous edificios no concello de Lugo, situados na rúa Catedral 18 e 22. En cada un deles habilitarase 1 vivenda protexida.
O cuarto lote comprende a rehabilitación de cinco edificios para a obtención de novas vivendas de promoción pública en Mondoñedo.
Trátase de rehabilitar 1 edificio para 1 VPP e 1 rocho na praza Muíños de Arriba 24; outros 2 edificios para 4 VPP e 4 rochos na rúa Guevara 7 e 9, así como actuar nun edificio para 1 VPP na rúa Febrero 30, e noutro inmoble para 2VPP na rúa Álvaro Cunqueiro 34. Tamén se inclúe neste último lote as obras de remodelación e reforzo estrutural de 2 VPP e mellora da envolvente do edificio na rúa Progreso 10.
Todas estas obras contan coa cofinanciación do Fondo Europeo de Desenvolvemento Rexional, no marco operativo Feder Galicia 2021-2027.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
