Viveiro, 8 de xullo, 2025. Os socialistas explican que: “No vial coñecido por Camiño Real ou Rego da Fonte, que une a Rúa Grande en dirección a Casanova, fai case dous meses existe unha gran fochanca, (como se pode ver na imaxen), a raíz dunha rotura de auga, e cuxos efectos aínda non foron reparados. Ademáis existen outros baches que deberían ser reparados”.
“Esta situación está a causar molestias aos veciños e usuarios do vial, e ademais de representar un potencial perigo para o tránsito, tanto peonil como o rodado. É fundamental restablecer o estado axeitado do firme para garantir a seguridade e a accesibilidade nesta vía tan utilizada”.
“Por todo isto, rogamos que dende o Concello se leven a cabo, coa maior brevidade posible, as xestións necesarias para o reposicionamento do firme e se proceda á reparación coa maior celeridade posible, e que se informe dos motivos do atraso na actuación. Así como a reparación das fochancsa que sexan necesarias”.
Cemiterio Municipal
“Nas últimas semanas, veciños e veciñas de Viveiro teñennos manifestado a súa preocupación polo estado de abandono que presenta o xardín situado na entrada do cemiterio municipal. Hai presenza de maleza, restos vexetais e moitos dos setos están secos, como se poden ollar nas imaxes adxuntas, o que produce unha imaxe pouco digna e inadecuada para un lugar que debe manterse co respecto e coidado que merece. Así mesmo reclamar aos propietarios dos terreos de frente que manteñan limpa as mesmas”.
“O cemiterio é un espazo de memoria e respecto, e a súa contorna debería reflectir eses valores, polo que o seu mantemento debería ser prioritario nos plans de limpeza e xardinaría do Concello”.
Por todo isto, rogamos ao Goberno municipal que se leve a cabo de maneira urxente unha intervención de limpeza, poda e mellora do xardín, asi como o arranxo do bordillo da entrada ao cemiterio municipal, e que se estableza un plan periódico de mantemento para evitar que se repita esta situación”, explican.
Xardíns Noriega Varela
“Dun tempo a esta parte, obsérvase de que existen moitas follas secas sobre do cespede nos xardins Noriega Varela, como se estivésemos no outono. Dado que mostra unha imaxen de abandono e polo que solicitamos que se leve a cabo a limpeza regular das follas das árbores no chan dos Xardíns Noriega Varela, debido á acumulación que se vén producindo nos últimos tempos”.
“Esta situación xera molestias para os peóns, risco de esvarón, ademais de ofrecer unha imaxe de abandono nun espazo público de gran valor para a veciñanza”, indican.
“Por tanto, rógase que se intensifiquen as tarefas de mantemento e limpeza neste espazo, garantindo así a seguridade e o bo estado dos xardíns, ben pola empresa de limpeza e recollida de lixo contratada ou polo departamento de xardiñeiría do Concello”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
