Encarna Amigo subliña que “o verdadeiro garante da atención sanitaria en Cospeito non é o PSOE, senón a Xunta de Galicia e o alcalde do municipio, que traballan con rigor e responsabilidade para que os servizos funcionen”
Lugo, 11 de xullo de 2025. A deputada lucense e portavoz de Sanidade do Grupo Popular no Parlamento de Galicia, Encarna Amigo, asegura que as declaracións da deputada socialista Lara Méndez sobre a atención pediátrica en Cospeito “faltan á verdade e buscan alarmar á veciñanza con fins partidistas e electoralistas”.
A popular rexeita rotundamente as afirmacións falsas vertidas polo PSOE: “menten mesmo nos datos máis básicos”; xa que non son 1.400 os nenos e nenas atendidos polo pediatra compartido entre Cospeito, Castro de Rei e Outeiro de Rei, senón 975 en total. E, concretamente en Cospeito, 286.
A atención pediátrica en Cospeito está garantida. Estase realizando dous días á semana, como antes da baixa temporal da profesional titular. Así, os tres concellos contan cun único pediatra compartido, como sucedía previamente, e os días de atención foron recuperados tan pronto como foi posible dispoñer de persoal. Ademais, sempre se garante un oco libre para calquera urxencia ou imprevisto, polo que ningún neno ou nena queda sen atención cando a necesita.
“Mentir sobre a realidade sanitaria e xogar coa preocupación das familias é absolutamente irresponsable. O PSOE prefire a confrontación antes que aportar solucións reais”, segundo afirma a popular.
A portavoz de Sanidade lembra que “os médicos de familia están perfectamente capacitados para atender á poboación infantil, como establece o seu programa formativo MIR, e en Galicia a maioría das prazas están cubertas por pediatras, ao contrario que noutras comunidades gobernadas polo PSOE”. Ademais, a Xunta mantén operativas as enfermeiras pediátricas, incluída a profesional de Cospeito, que atende luns e mércores, o que reforza a atención aos nenos e nenas.
Encarna Amigo subliña que “o verdadeiro garante da atención sanitaria en Cospeito non é o PSOE, senón a Xunta de Galicia e o alcalde do municipio, que traballan con rigor e responsabilidade para que os servizos funcionen. Quen de verdade vela polos veciños de Cospeito é a Xunta e o seu alcalde, que traballan con feitos, non con pancartas. O PSOE prefire buscar titulares falsos en lugar de arrimar o ombreiro. Cospeito ten pediatra, ten atención sanitaria e ten un goberno responsable que cumpre coa súa xente”, conclúe.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
