“Con este convenio reafirmamos o noso compromiso coa inclusión real, e co deporte como unha ferramenta poderosa de transformación social”, destacou o Presidente quen subliñou que este apoio “supón un paso pioneiro na provincia ao ser o primeiro equipo non profesional de persoas con diversidade funcional”
Lugo, 15 de xullo de 2025. O Presidente da Deputación de Lugo, José Tomé Roca, e o Presidente do Racing Club Vilalbés, Francisco Ruiz Rey, asinaron este martes no campo de fútbol A Roca da capital chairega un convenio de colaboración a través do cal a institución provincial achega 3.800 euros para dotar de equipamento completo ao equipo Real Racing Club Genuine Vilalba.
A achega económica permitirá ao club adquirir equipacións de xogo, de adestramento e de viaxe, así como balóns e material técnico deportivo, necesarios para o desenvolvemento do equipo e a súa participación na Liga A Nosa Champions, unha competición autonómica inclusiva promovida pola Real Federación Galega de Fútbol.
No acto de sinatura, no que o mandatario provincial estivo acompañado tamén pola Alcaldesa de Vilalba, Marta Rouco, representantes do club, e xogadores do equipo Genuine, subliñou que “con este convenio desde a Deputación de Lugo reafirmamos o noso compromiso coa inclusión real, e co deporte como unha ferramenta poderosa de transformación social”
José Tomé Roca resaltou ademais o carácter pioneiro da iniciativa, ao tratarse do primeiro equipo non profesional da provincia formado exclusivamente por persoas con diversidade funcional. “Este proxecto merece todo o noso recoñecemento, apoio e visibilidade pública. Non estamos só diante dun novo equipo, senón dun importante avance social. É un auténtico orgullo que Vilalba conte cun equipo como o Racing Genuine, que serve de exemplo en Galicia e tamén no resto do Estado”, declarou.
O Presidente provincial quixo agradecer e felicitar ao club chairego polo seu compromiso firme coa inclusión e “por demostrar que desde o deporte de base tamén se pode facer país, e por crer, sen matices, na capacidade de todas as persoas”
Unha aposta pola inclusión deportiva
O Real Racing Club Genuine Vilalba é unha iniciativa pioneira na provincia que xurdiu do convenio entre o Racing Club Vilalbés e o Real Racing Club de Santander, dentro da filosofía de LaLiga Genuine. Este proxecto promove unha práctica deportiva adaptada baseada na integración, igualdade e participación sen exclusión. O Racing Club Vilalbés, fundado en 1931, é o primeiro club non profesional da provincia de Lugo que impulsa unha iniciativa real de inclusión de persoas con diversidade funcional a través do deporte.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
