A Mariña, 20 de xullo, 2025. O ‘Festival Bal y Gay’, referente en España por ofrecer a mellor música clásica do mundo en belos escenarios patrimoniais da comarca da Mariña, presentará á La Carroza del Real, escenario itinerante do Teatro Real, o día 31 de xullo (19:30 horas) na Praza do Conde de Fontao de Foz. Un espectáculo de primeiro nivel que o público poderá gozar de maneira gratuíta. Será o preámbulo da 12 edición do festival, prevista do 12 ao 21 de agosto con 11 destacados concertos. Cuarteto Casals, Cuarteto Quiroga, Denis Kozhukhin, Sara Blanch, Núria Rial, Leticia Moreno, Marco Mezquida, Borja Quiza ou o grupo especializado Los Elementos baixo a dirección de Alberto Miguélez Rouco brilarán nunha programación repleta de grandes grupos e solistas españois de recoñecido prestixio internacional, con cabida tamén para agrupacións sinfónicas (Real Filharmonía de Galicia, Orquestra Sinfónica do Principado de Asturias) ou corais (Coro de la Comunidad de Madrid) destacadas a nivel nacional.
“ES UNA MANERA DE ACERCAR LA ÓPERA AL PÚBLICO Y TENER MAYOR ALCANCE”
“La colaboración con el Teatro Real es un paso muy importante para la Fundación Xesús Bal y Gay -entidad organizadora del festival- porque supone unirnos a una de las instituciones referentes en música clásica, no solo en España sino a nivel europeo. Es una manera de acercar el género de la ópera al público general y tener mayor alcance. Sirve de plataforma para que el gusto por este tipo de espectáculos se extienda al resto del festival y es la mejor forma de democratizar la cultura”, sinalou Alba Rodríguez, directora do festival, sobre a presenza de La Carroza del Real en Foz. El Teatro Real, dentro da súa vocación como ópera nacional de referencia en España, presentou en 2021 La Carroza del Real, unha iniciativa coa vocación de levar o escenario do Teatro Real por toda a xeografía española cunha oferta artística que puidese incluír concertos instrumentais, recitais ou espectáculos infantís. Este escenario vivo a modo de teatro itinerante con capacidade para levar espectáculos e concertos de distintos formato impulsouse inicialmente como unha das iniciativas do seu programa ‘Cerca de ti’, declarado acontecemento de excepcional interese público. A súa boa acollida fixo que se converta nun proxecto con continuidade a longo prazo.
La Carroza del Real xa se presentou con gran éxito nunha vintena de localidades españolas como Ceuta, Valladolid, Zaragoza, Madrid, Málaga, Alcalá de Henares, Sevilla, Córdoba, Xaén, Mérida, Cáceres, Valdepeñas, Soria, Fuenlabrada, Boadilla del Monte, San Sebastián de los Reyes, Castro Urdiales, Marina de Cudeyo, Suances ou Castellón da Plana. Ten como fonte de inspiración La Barraca de Lorca, cuxa idea era a de achegar o teatro clásico do Século de Ouro aos recunchos máis esquecidos de España. Así, representábanse obras de Cervantes, Lope de Vega, Tirso de Molina ou Calderón de la Barca. La Barraca foi unha iniciativa que durante moitos anos despois seguiuse levando a cabo en distintas localidades do territorio español. Aínda hoxe segue sendo lembrada e rememorada polas súas accións de achegamento da cultura.
REFERENTE EN ESPAÑA COA MELLOR MÚSICA CLÁSICA DO MUNDO NA MARIÑA
O ‘Festival Bal y Gay’ comezou en 2014 cuns cursos de clarinete en Nois -parroquia de Foz (Lugo) con menos de 500 habitantes-. Agora é toda unha referencia en España por ofrecer a mellor música clásica do mundo en escenarios únicos da comarca lucense da Mariña. Más de 20.000 espectadores acudiron ao festival para presenciar máis de 100 concertos con 400 artistas. Enche cada ano A Mariña de música en vivo de calidade con propostas artísticas comparables ás de calquera sala de gran prestixio nacional e internacional, afianzando esta comarca lucense como destino cultural de referencia en Galicia e España. Ademais, desexa facilitar que a poboación local goce dunha programación musical de excelencia en espazos extraordinarios onde a música comparte protagonismo coa historia, o patrimonio, a paisaxe ou a gastronomía da zona.
A boa xestión do festival foi apoiada de forma unánime por entidades privadas e públicas, garantindo a solidez e estabilidade do proxecto. Mantense a Fundación Banco Sabadell como principal entidade colaboradora, o apoio esencial da Xunta de Galicia e da Deputación Provincial de Lugo, así como a axuda dos concellos participantes (Foz, Mondoñedo, Ribadeo, Viveiro, Cervo, Lourenzá, Burela, Alfoz) e outros patrocinios de empresas clave da zona e de ámbito nacional.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
