O bonaerense ten 21 anos, foi internacional coa súa selección en categorías inferiores e procede do Real Betis Futsal, co que logrou o ascenso a Primeira esta pasada campaña
Burela, 21 de xullo, 2025. O porteiro arxentino Gonzalo Starna é a terceira incorporación que realiza este verán o Burela FS para reforzar o plantel do seu equipo masculino. Starna, que foi internacional nas categorías inferiores da selección arxentina, é un novo porteiro de 21 anos que chega procedente do Real Betis FS, club co que se estreou en España e co que vén de lograr o ascenso a Primeira División, ademais de proclamarse o pasado curso campión da Copa do Rei. É a primeira peza que chega para a portería do equipo que volverá dirixir David Rial.
Gonzalo Ariel Starna (Buenos Aires-Arxentina, 27-10-2004) é un gardameta destro que comezou a súa carreira no seu país defendendo as cores do Club Cultural y Deportivo 17 de agosto, desde o que chegou en xaneiro do 2023 ao Real Betis Futsal para enrolarse no seu filial, que se atopaba en Segunda División, e posteriormente ascender ao primeiro equipo, co que competiu nestas dúas últimas campañas e logrou a mencionada Copa do Rei e un ascenso a Primeira este pasado curso que non se materializará ao disolver a súa sección de fútbol sala o club sevillano. O novo cancerbeiro laranxa foi internacional Sub-18 e Sub-20 con Arxentina e tamén participou nalgún adestramento da selección absoluta. Co combinado albiceleste logrou dúas Ligas Evolución Conmebol e o Suramericano Sub-20 celebrado en novembro do pasado ano en Perú. Ademais, a nivel de equipos, antes de arribar a Sevilla tamén disputou a Libertadores con Barracas Central, club do seu país. Starna participou esta última tempada en 25 encontros co Real Betis, saíndo no quinteto inicial en 9 deles e colaborando no campionato hispalense de Segunda cun total de dous tantos.
O meta arxentino está moi motivado para este curso que está a piques de empezar e asegura que a súa chegada á entidade mariñá supón un paso adiante na súa carreira deportiva. “Do Burela FS teño moi boas referencias. Sei que é un club con historia na liga, moi competitivo e cunha grande estrutura. Ademais, faláronme moi ben do ambiente que se vive tanto no club como na cidade. Motivoume moito o proxecto que me presentaron e as ganas que teñen de seguir crecendo. Para min é un paso importante na miña carreira e estou con moitas ganas de aportar ao equipo e seguir formándome como xogador”, explica Starna.
O bonaerense defínese como “un porteiro de gran porte, áxil, con boa lectura de xogo e sólido baixo paus” e promete poñer o seu esforzo ao servizo do grupo desde o primeiro día. “Chego con moitas ganas de achegar traballo e compromiso ao grupo. No individual, quero seguir crecendo como ‘arqueiro’ e estar sempre preparado para dar o mellor cando me toque. No grupal, o meu obxectivo é sumar desde o primeiro día, axudar a que o equipo sexa competitivo en cada partido e pelexar polos obxectivos que nos marquemos. Estou convencido de que con traballo poderemos asinar unha boa tempada”, avanza ilusionado.
Finalmente, Starna tamén tivo tempo para dirixirse á Familia Laranxa. “A toda a afección do Burela quero agradecerlle xa polo recibimento e o apoio. Estou moi ilusionado con esta nova etapa e con moitas ganas de defender estas cores. Imos deixar todo en cada partido para que sentan orgullosos do equipo. Vémonos pronto no pavillón!”, conclúe.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
