Os traballos servirán para acondicionar tres tramos da LU-P-1106, que conecta Castro de Rei e Campo do Oso, na Pastoriza; e para mellorar o trazado en dúas curvas na LU-P-5501, que vai de Meira a Riotorto, desde Riocabo ás Rodrigas
Lugo, 24 de xullo de 2025. A Xunta de Goberno da Deputación de Lugo aprobou este xoves a adxudicación de obras por máis de 500.000€ para a mellora de dúas estradas provinciais ao seu paso polos concellos de Castro de Rei, A Pastoriza e Riotorto. Así o anunciou a Voceira socialista do Goberno, Pilar García Porto, tras a reunión semanal celebrada no Pazo de San Marcos.
“Con estas novas actuacións seguimos a facer un esforzo investidor enorme para rehabilitar, manter e mellorar a rede de estradas da nosa provincia, que como sempre recordamos é a máis extensa de todas as Deputacións en España, cun total de 4.217 quilómetros de lonxitude”, valorou García Porto.
Informou sobre as actuacións adxudicadas para as diferentes estradas durante a sesión semanal, detallando que entre Castro de Rei e A Pastoriza, a Deputación adxudicou á empresa Cholo SL por 450.000€ as obras de acondicionamento de tres tramos da LU-P-1106, que é a vía que conecta Castro de Rei e Campo do Oso, na Pastoriza, por Reigosa.
Uns traballos, que terán un prazo de execución de un mes e medio, consistirán na reapertura de cunetas, acometerase unha canalización de formigón para a mellora da drenaxe ao inicio da estrada, a pavimentación con aglomerado en quente e a sinalización, para rehabilitar tres tramos dun total de case 10 quilómetros.
O primeiro esténdese desde o inicio da estrada, á altura da ponte sobre o río Azúmara, ata o punto quilométrico 7,682, na parroquia de Pacios (Castro de Rei). O segundo tramo intervirá ao seu paso pola parroquia da Reigosa, xa no termo municipal da Pastoriza, entre os puntos quilométricos 9,5 e 10. Por último, mellorarase tamén un treito dende a rotonda de conexión coa LU-P-4401, á altura da Ermida, entre os quilómetros 10,5 e 11,74.
Así mesmo, a institución provincial adxudicou á empresa Obras y Saneaminetos Galicia SL, por un importe superior aos 60.000€, a mellora do trazado en dúas curvas na LU-P-5501, que é a vía que vai de Meira a Riotorto, desde Riocabo ás Rodrigas. “Executaremos melloras en dous puntos desta vía á altura da parroquia de Ferreiravella, en Riotorto. Nunha curva situada no punto quilométrico 4,965 e outra a continuación, no 5,765”, subliñou Pilar García Porto.
As obras consistirán na execución do desmonte, a pavimentación e o balizamento correspondente. O prazo de execución será de 3 meses, desde o inicio das actuacións. “Estamos a actuar onde máis se precisa, atendendo demandas reais dos concellos e da veciñanza, e reforzando a cohesión territorial da provincia”, recalcou a Voceira Socialista quen lembrou o compromiso da Deputación coa mellora da mobilidade da provincia.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
