Trabada, 24 de xullo de 2025. O Concello de Trabada colabora un ano máis coa organización das Festas de Santiago e Santa Ana na parroquia de Santiago de Abres, unha celebración singular que une a veciñanza da parte galega e asturiana nun ambiente de convivencia, tradición e música.
As festas deron comezo este sábado co Campionato de Balinera con carabina, organizado no Campo da Festa. A continuación, celebrouse unha gran churrascada popular, amenizada polo DJ Marcos, que reuniu a centos de persoas nunha noite de festa e gastronomía.
A programación continuará o xoves 25 de xullo, Día de Galicia, cunha misa solemne ás 13:00 horas, seguida dunha sesión vermú co Dúo Belinda, e pola noite, unha gran verbena coa actuación das orquestras Suavecito e Costa Dorada.
O sábado 26 de xullo terá lugar outra xornada de celebración con misa, sesión vermú coa música de DJ Pedro Brmudz, e para rematar, unha verbena con El Combo Dominicano, a discoteca móbil Mandala Macroshow e unha nova sesión de DJ.
O alcalde de Trabada, Rubén García, destacou que “esta festa é un exemplo do espírito de unión e colaboración entre veciños de Galicia e Asturias. A parroquia de Santiago de Abres simboliza esa irmandade entre territorios que comparten historia, cultura e vínculos familiares”.
García tamén subliñou a importancia de apoiar o tecido social do municipio: “Desde o Concello de Trabada seguimos colaborando con todas as asociacións, clubs e comisións de festas do municipio. Cremos que é fundamental que as organizacións locais sintan o apoio institucional sempre que poñan en marcha eventos que dinamizan a vida das nosas parroquias”.
O Concello de Trabada anima a toda a veciñanza e visitantes a participar destas festas que mesturan tradición, música, gastronomía e convivencia, mantendo vivo o espírito comunitario na fronteira natural entre Galicia e Asturias.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
